ބޮޑުކަން އެއިން ފެންނަން އޮތަސް، ހައިބަތު އެއިން ދައްކައި ދިނަސް

     ލޮޑުކަން އެއިން ފެންނާނެއޭ، ކައިރިން ނިކަން ގޮސް އުޅެލުމުން

ގަދަ ވީރު ހެން ފެންނާނެއޭ، ދައްކާ އުޅޭނީ ވެސް އެކަން

     މަދަދަށް އެދޭނޭ އަބަދުވެސް، ކަމަކާ އެސޮރު ކުރިމަތި ވުމުން

މާރީތިކޮށް ފެންނަން އޮތަސް، ތާހިރު ކަމެއް އަމުދުން ނެތޭ

     ތާރީޚުގައި ބޮޑުކޮށް ނަޖިސް، ބަޔަކަށް ވެދޭ ވިސްނާ ލުމުން

ޖެހިގެން އަވައިގައި މަޑުމަޑުން، ގެންދޭ ޒުވާނުން ކަތިލަމުން

     މެހިގެން ދެއޭ ހިތްތަށް އެއަށް، ދައްކާ ދަޅައިގައި ބީހުމުން

އެތަކެއް ފުރާވަރު އަންހެނުން، އެވެރިން މަޅީގައި ޖައްސައޭ

     އެތަކެއް އަހަރު ދިން ލޯބިވެސް، ކުޑަ ހިނދުކޮޅެއްގައި ފުހެލަމުން

މަސްތީ ހަޔާތެއްގައި އުޅެން، އެވެރިން ވަރަށްވެސް ބޭނުމޭ

     ވަސްވާހުގާ ހިތްތައް ވަނީ، ބަނދެލާފައޭ ގަދަ ޗޭނަކުން    

ޔާރައްބު މިކަމުން ދިންނަވާ، އަމްނާ އަމާނާ ލައްވަވާ 

     ޔާރައްބު މިއަޅާ މިއެދެނީ، ހެޔޮ ވިސްނުމަށް މަގު ދެއްކެވުން