ދުނިޔޭގަ އެންމެން މިއުޅެނީ، އެތަކެއް ތުރާތައް ލިބިގެނޭ

     އުނިކަން ނުވާ ނެތް އެކަކުވެސް، އެންމެން ވަނީ ކުށްވެރި ވެފާ   

ކުށްތަކުގެ ތެރެއިން ފާވަނީ، ފަންޏެއް ނުބައި ވިހަ ގަދަ ނިކަން

     ހުއްޓާނެއޭ ހުރިހައި ކަމެއް، ހެޔޮ އަމަލުތައް ވީ ގެއްލިފާ  

ހަސަދައިގެ މިނުބައި ފަނިއަޅާ، އުންމަތް ތަކެއް ނެތި ގޮއްސިއޭ

     މަސަލަސްކަމާ އަދި ސުލްހައާ، ފާލުން ވަނީ ހަމަ ނެއްޓިފާ

އިތުބާރު ކުރުމާ ލޯބިވުން، ނައްތާލައޭ މި ނުބައި ފަނިން

     މިތުރުން ހަދާނޭ ހަތުރުނަށް، އަހުވަންތަކަން ވީ ގެެއްލިފާ

މުޖުތަމައުގާ އޮންނަންޖެހޭ، އަމްނާ އަމާނާ ސުލްހައާ

     މުޖުރާކުރުން ފަދައިން އެކަން، ލަވަ ހުއްޓުމުން ވީ ގެއްލިފާ

ޒާތީވެގެން މުޖުތަމައުތައް، ކައި ހުސްކުރާ ފަންޏެއް މިއީ

     ވާތީ ދުށިން މުޖުތަމައުތައް، ބައިބައިވެގެން ފުނޑު ފުނޑު ވެފާ