އެހާލޯބިން ގޮވާލާނޭ، މަނިއްޕުޅަކަށް ނިކަންވާނޭ

    ރެހާމާގައި ވަނީފޮނިކަން، މިހިތް ލޯބިން ފުރައިލާނޭ                             

ގެއަށްވަނުމާ އެކީލޯބިން، ތަނެއްގައި ފޫ މަޖައްސާނޭ

    ފެއަށް ޖެހިލާ ދަށުންބާލީސް، ނަގާ ބޮނޑިކޮށް މުށަށްލާނޭ                        

އަމޭ ބުނެފާ މަގޭއަތުގާ، ހިފާ އެއްޗެއް މަށަށްދޭނޭ

    ވަމޭ އިތުރަށް އުފާ އެކަމުން، ހެމުން ހިނިތުންވަމުން ދާނޭ

ސައެއް ބޯލަން އަމޭދަރިޔާ، މިއީ އެއްޗެއް މި "މާމާ" ދޭ

    ސައެއްނޫނީ ނުބޯން އުޅުނަސް، އެއިން އެތަކެއް ކަމެއް ވާނޭ

ރިހޭ އިރުގާ މޮޑެންފައިގާ، ތިބޭ އެންމެން އެހާލޯބިން

    ރިހޭ ރިހުމާ އަޅާ ވޭނާ، ހަވީރަށް ގަދަ ވެގެން ދާނޭ

ތުރާލުން މިންޖުކޮށް ދެއްވާ، އެވާ ކުއްތައް އަފޫ ދެއްވާ

     ކުރާ ޒިކުރާ ކިޔާ ހެޔޮހާ، ތަކެތި އެދުލުން ނުހުއްޓޭނޭ

އަޅާ ވޭނެއް އެއީލިބުމަށް، މަގެއް ޖަންނަތު ކަމަށް ބުނެވޭ

   އަޅާ އެދެނީ ލިބުން ޖަންނަތު، ކުރާހެޔޮހާ ދުޢާއިންނޭ