ހެނދުނަށް ފުރާ މަހަށް ކަނޑު، ފަޅުތަކު ތެރޭ ދަމާ އެން

     މެދު އޮޑި ބަރާ ކުރިއްޔާ، ފަހި ދުވެލި މަޑު ނުވޭ ހޭ

މެންދުރުގެ އިރު މަތީ ބޯ، ހޫނޭ ކުރީ ބޮލާ ލޯ

     އެން ނުދެމިގެން އެހާ އިރު، ވާކަށް ނުވެސް ޖެހޭ ހޭ

އެންފަޅު ތެރޭގަ އޮވެފާ، އޮޑި ކޮށް ބަރާ މޮހާލާ

     އެން އޮޑި ބަރާ އެ ކޮށްލާ، ގަދަ ކަނޑުގަ ދާން ޖެހޭ ހޭ

މާ ކަނޑުގެ ރާޅު ކަފަމުން، އައިނެއް ލޮލަށް ފެނޭ ތޯ

     މާ ދުރު ވިޔަސް ފެނޭތޯ، ދުރުމީ އަޅައިން ނުވޭ ހޭ

ލޯ ފިއްސަމުން އަވީގައި، ވަގުތޭ އެ ހޭދަ ކޮށްލީ

     ލޯބީގެ ހައްގު ގައިވެސް، ގުރުބާން ތަކެއް ނުވޭ ހޭ

މަސްވެރި ފިސާރި ބައެކޭ، ވޭނެއް ތަދެއް ނުވާނޭ

     ގަސްތުގަ ނުވެސް ބުނާނޭ، މައި ބަދަ ނުވެސް ގުޑާ ހޭ

ކެތްތެރި މުރާލި ބައެކޭ، ހިތް ވަރު އެހާ ކުރާނޭ

     ނެތްވަރު ހަށީގަ ކިރިޔާ، ހުއްޓާފަ އެނބުރި ދޭ ހޭ