ކާކު ކީކޭ ހޭ ބުނީ، ކީއްވެގެންހޭ ތިއުޅެނީ

     ތާކު ހުރި މޮޔައެއް އެއީ، ކީއްކުރަންހޭ އަޑު އެހީ

ކޮންމެ ދުވަހަކު މީ އަޅޭ، ކޮން ކަމެންހޭ ރަންކޮޅާ

     ކޮންމެވެސް އެއްޗެއް ކިޔާ، ތަނަކު ކޯއްޗެއް އަޑު އެހީ

ފިތުނަޔާ އަދި ހަސަދަޔާ، ލާހިތުން ހޭ ބަލިވެފާ

     ހިތުގަ ލީ އެއްޗެއް ކިޔާ، ދޮގު ހަދާ އަޑުތައް އެހީ

އަނބި ދަރިންނާ އާއިލާ، ރޫޅުމަށް ފޫވެސް ގަޅާ

     އަނބި ދުރަށްލާ ވަކިކުރަން، ދެއްކިވާހަކަ އަޑު އެހީ

އިވުނަކަސް ހަބަރެއް ފަތަށް، ދެކޮޅު އޭގާ ވާ ބަލާ

     އިވުނުއަޑު އައި ނައި ކޮޅެއް، ނުމެ ބަލާހޭ އަޑު އެހީ

ދޮގު ހަބަރު ފެތުރުން އެއީ، ފާފަ އެއްކަން ދެނެހުރީ

     ރޮނގު ދަމަންވެސް ދަސްނުވާ، ޅައިރުގާހޭ އަޑު އެހީ

ކޮންމެ މީހަކު ބުންޏަކަސް، އޭގެ ދޮގުތެދު ވޭ ބަލަން

     ދޮންއަނބެއް ދިނަކަސް ހެވޭ، ކީއްކުރަންހޭ އަޑު އެހީ