ދިވެހި އަދަބީ ބަސްތަކުވެ ތެރެއިން ހިޔަންޏަށް މުޑި ނުނަގާށޭ ބުނާ ބަހަކީ ހަރުބަހެކެވެ. މިއީ ހަގީގަތުގައިވެސ ވަރަށް ތެދު ވާހަކައެކެވެ.

މިބަހުގެ ބަހަވީ މާނައަށް ބަލައިލާއިރު، މިބަހުގައި މި ނިސްބަތްކުރެވެނީ ބައެއް ޖަނަވާރު އެ ސޮރުމެންގެ އަމިއްލަ ހިޔަންޏަށް ހަމަލާދީ ނުވަގަ އެޔާ ތޮޅި ނުވަތަ އެޔަށް ބިރުން އުޅޭއުޅުމަށެވެ. އެސޮރުމެންގެ ހިޔަނި ހުންނަ ގޮތަކުން ބައެއްފަހަރަށް އެ ހިޔަނިން އެސޮރުމެންނަށް ބިރުވެރިމަންޒަރެއް ފެނި އެ ހިޔަންޏަށް ހަމަލާ ދެވޭތަން އާދެއެވެ. މި މިސާލު ނުވަތަ މި ބަސް އުފެދިފައިވަނީ އެ ގޮތުން ކަމަށް ބެލެވެއެވެ.

ނަމަވެސް، މި ބަހުގެ ހަގީގީ މާނައަށް ބަލައިލަމާ ހިނގާށެވެ. މިބަހުގެ ހަގީގީ މާނައަކީ، ކަމަކަށް ނުވާ ނުވަތަ އެކަމެއްގައި ހަގީގަތެއް އަސްލެއް އެކުލެވިގެންނުވާ ކަންކަމާމެދު ބިރުނުގަންނާށެވެ. ޖެހިލުން ނުވާށެވެ. ހާސްވެ ނުވަތަނަވަސް ނުވާށެވެ. ކަންބޮޑުނުވާށެވެ. މިފަދައިންނެވެ.

މިސާލަކަށް ބަލައިލާނަމަ، މީހަކު ދެއްކި ވާހަކައެއް އަޑު އެހުމަށްފަހު އެވާހަކަ ރައްދުވާ މީހާއާއި މެދު ކުށްހީކޮށް، އެމީހަކު ދެކެ ޖެހިލުންވެ ބިރުން ސިހި ސިހި އުޅޭ މީހަކާއި ދިމާލަށް ހިޔަންޏަށް މުޑި ނުނަގާށޭ ނުވަތަ ހިޔަންޏަށް މުޑި ނަގައިގެން އުޅޭމީހެކޭ ބުނެވިދާނެއެވެ.