އެތާ ދާއިމު ވެގެން ހުންނަން، ތިބާ އަމުދުން ރުހޭނަންހޭ

     އެތާ އެލިބޭ އަޒާބާ ވޭން، އަބަދު ލިބުމަށް އެދޭނަންހޭ

ވިރޭ ހޫނުން އަނދާ އަލިފާން، އެކީ ހަށިގަނޑު އަނދައިގެންދޭ

     ތެރޭ ހުންނަން އެތާ އަލިފާން، ހިލާ އަމުދުން ރުހޭނަންހޭ

މިތާ އުފަލާ އަރާމެއްގައި، ނިދާ ހަދަމުން ތިގެންދާއިރު

     ކިތާބެއްގައި ލިޔުއްވާކަން، ތިބާ އަމުދުން ހަނދާންވޭހޭ

ހިތަށް އެރިހާ ކަމެއް ކުރަމުން، އެހެން އުޅެމުން ތިގެންދާއިރު

     ކިތައް ފަހަރަަށް ކިތައް ކަންތައް، ނުބައި ކޮށްފާ މިތާ ވޭހޭ

ހަޔާތާ ލަދު މިދުނިޔޭގައި، މުޅިން ނެތިގެން ތިހެން އުޅެނީ

     ހަޔާތެއް އަދި ފަހުން ވާކަން، ތިބާ ނެތިކޮށް ހަނދާން ލީހޭ