ޖެހޭ ވައިރޯޅި ފިނި އިރުވައި، ދެމޭ ގަދަ ބާރު އޮއެ އިރުވައި

ވޭހޭ ބޯ ކެރި މިހިތް ތެއްމާ، ލިބޭ ހިތްހަމަ ޖެހުން އިރުވައި

 

ޖަހާ ހަޅައިން ފަށާ މޫސުން، ވަޔާ އޮއެވަރު ބަދަލު ކޮށްލާ

މަހާ މަސްވެރިކަމާ އެކުގާ، ބަދަލުކޮށްލާ މިއީ އިރުވައި

 

ރިޔަލު އޮޑިތައް ފަހިވެ ދުވެލާ، ދަތުރު ދިއުމާ އިތުރުކޮށްލާ

ދިޔަނުވާ އޮޑި ބަރާ ކޮށްލާ، މުދާ އުފުލާ މިއީ އިރުވައި

 

ބިޔައެ ތުނޑިތައް ވަށާ ލީމާ، ހުދުއެ ފަސްގަނޑު ބޮޑުވެލީމާ

ހިޔަލުގައި ފިނި ތިބެން އެންމެން، އެދޭ މޫސުން މިއީ އިިރުވައި

 

އަތިރިމަށްޗަށް ނުކުމެ ތިބެލާ، އަށިން ފިނި ހޮޅު ނިކަން ދުވެލާ

މަތިން ފަސްގަނޑު ކުދިން ނުފިލާ، އުޅޭ މޫސުން މިއީ އިރުވައި

 

ދަމާ ތުނޑިލާ ރަށުގެ ހުޅަނގަށް، ރަށުގެ އިރުމަތި ކޮޅުން ގެންގޮސް

ދަމާ އެންމެން ނުކުމެ ފަސްގަނޑު، މަތީ ތިބެލާ މިއީ އިރުވައި