ޢީދަށް ތިބާ ތައްޔާރުވާން، އެތަކެއް ދުވަސް ކުރިޔާ އުޅުން

   ޢީދަށް މޮޅެތި އަގުބޮޑުތަކެތި، ގަނެއް ބައްކުރަންވެސް އަދި އުޅުން

 

ކުލަ ރީތިވީހާ އަންނައުނު، ވަސްމީރު ވީހާ ސެންޓުތައް

   ކުލަ ބޮކިތަކާ ފެން ބަޑިތަކާ، އެއްކޮށް ޖަމާކޮށް އަދި އުޅުން

 

ފުންނާބު އުސް ފައިވާން ތަކާ، ބޮލުގާ އޮޅާގެ ފޮށާތަކާ

   ދުއްވާނެ އަގުބޮޑު ކާރަކާ، އަދި ސައިކަލެއް ހޯދާ އުޅުން

 

ކައްކަން ރަނގަޅު ކައްކާ އަކާ، ކާންދޭން ރަނގަޅު ސުފުރާ އަކާ

   ފައްކާ ކުރީ ފައިސާ ތަކޭ، އެއް ކޮށް ޖަމާކޮށް އަދި އުޅުން

 

އަގު ބޮޑު ރަނގަޅު ސަނދުވާ އަކާ، ގަނެއް އެއް ކުރީ އަދި މާކުރިން

   އަގު ނޭނގުނީ މި ފުރާނަޔާ، އަދި މިދުނިޔޭގާ ވެސް އުޅުން

 

އައުމުގެ ކުރިން ޢީދުގެ ކުރިން، މި ފުރާނަ ވަކިވެން ދާނެކަން

   މައުތުގެ ވަގުތު އަންނާނެކަން، އޭނާ އަކަށް ހަމަ ނޭނގުމުން

 

އަބަދާ އަބަދު ތައްޔާރުގާ، ހުންނަން ޖެހޭނޭ މަރު މަތީ

   އަބަދާ އަބަދު އެހަނދާނުގާ، ވާން ވެސް ޖެހޭކަން ދަސްކުރޭ