ގަދަ ކަނޑު ތެރޭގާ ބަޑިތަޅާ، އޮއެވަރު ބަލާނުމެލާ މަގޭ

   ގަދަ ރޯޅި ވައި މިސްރާބުވެސް، ބަލައެއް ނުލަން އަމުދުން މަގޭ

 

ދެއަތާ ދެފައި ބާރަށް ޖަހާ، ފޮނު އަރުވަމުން ބާރަށް ފަތާ

   މެއަށާ ކޮނޑާ އަދި ބުރަކަށިން، ރިހުމެއް ނަގާ ވޭނެއް މަގޭ

 

މަންޒިލް ލޮލަށް ފެންނަން ނެތަަސް، އުންމީދު އޮވެގެން ވީ ފަތާ

   މަންޒަރުގަ ކުލަ ޖައްސާލުމާ، ދޫދޭން ނެތޭ ހިތްވަރު މަގޭ

 

ލޮނުބޮވި މަގޭ ކޮށިވެސް އަރާ، ބަލިވެން ފަތާ އިރު މޫދުގާ

    ފޮނުގަނޑު ތެރޭ ރާޅުގެ ނަގާ، ދީލައިނުލަން ފަހަތަށް މަގޭ

 

ބަލިވެން ފެތެން ފެށުމުން ގެނބެން، ހިތްވަރު މަގޭ ހޯދަން ފެށިން

   ބަލިވާއިރަކު ހިތްވަރު އެ ދޭން، މީހެއް ނެތޭ އަރިހުގަ މަގޭ

 

އެކަނި އަހަރެން ކުރާ މިދަތުރު، އެކަނި އަމުދުން މަ ނިންމާނަން

   އެކަކު މަދަދެއް މަށަށް ނުވިޔަސް، މަންޒިލް މަގޭ ހޯދާނަމޭ