ދަރިފުޅަށް މަންމަ އެދޭހާ އެ ނަސޭހަތް އަހަމާ، ބަސްއަހާ ކިޔަމަނުގައި އަބަދުވަމާ ދަރިމަފުޅާ

  ދަރިފުޅާ ލޯބިވަމާ ލޯބިދެމާ ހޭހަންކޮށް، މަންމަޔާ ބައްޕަގެ ބަސް އަބަދު އަހާ ދަރިމަފުޅާ!

 

ކާކުހޭ އެންމެ މަގޭ ކުޑައިރުގާ ލޯބި ދިނީ، މަންމަޔާ ބައްޕަގެ ދެއަތުން ފިރުމައިދީފަ ޔަގީން

   ކާކުހޭ އޭގެކުރިން އިސްކުރުމަށް މިއަދު އޮތީ، މަންމަޔާ ބައްޕަގެ ބަސް އަބަދު އަހާ ދަރިމަފުޅާ!

 

ލިބުމަކަށް ދެރަކަމަކަށް ދެރަގޮތަކަށް ނޭދޭނޭ، އަބަދުވެސް ލޯބި ދެމުން މަންމަ އެދޭ ހެޔޮމިންވަރު

   ތިބުމަށާ އެކުގަ ވުމަށް ގާތުގަ ލޯބިން ދަރިޔާ، ނޭދެމޭ ވަކިވެ ދުރަށްދާން އުޅުމަށް ދަރިމަފުޅާ!

 

ހާލު ދެރަވާ އިރުގާ ދުރުގަ އުޅުން ރުހެވޭހޭ، ހާދަ ބޭނުން މަދަރިން އަބަދު މަށާ އެކުގަ ވުމަށް

   ހާލު ލޯބިން ކައިރިން އަބަދު ދެކެން ބޭނުންވޭ، މަންމަޔާ ބައްޕަގެ ކައިރީ ހުރުމަށް ދަރިމަފުޅާ!

 

މާދުރަށް "މާލެ" ދަނީ ލޯބި ވަމޭ ކިޔަމުންނޭ، ލާރި ފޮނުވާ ހެދިޔަސް ލޯބި އެކީ ވެވިދޭހޭ؟

   މާދުރުން ފޯނުކުރަން ނަންބަރު ދިނަކަސް ހެވެޔޭ!، ތީހެ ލޯބީގެ ބަދަލު ދޭ ގޮަތަކީ ދަރިމަފުޅާ!