ހަށިގަނޑުގެ ނިސްބަތުގާ ގިނައިން، އެ ވަނީ ފެނޭ ވިސްނާލަމާ

   ހަށި ހެޔޮ ކަމަށް ދުޅަ ހެޔޮ ކަމަށް، ބޭނުން ވަނީ ވެސް ހަމަ ފެނޭ

 

ލޭގައި ހިނގާ އެކި ސެލްތަކާ، އެކުގައި ވަނީ ފެން ލެއްވިފާ

   ލޭގައި އެވާ އޮލަކަން ދިޔާ، ވާން ބޭނުމީ ވެސް ހަމަ ފެނޭ

 

ގުރުދާގެ ތެރެއަށް ލޭ ވަދޭ، އަދި ސާފުވެން ނުކުމެން ދެޔޭ

    ގުރުދާގެ ދުޅަހެޔޮކަން އަބަދު، ލިބުމަށް މުހިންމީ ވެސް ފެނޭ

 

ފެން ދެމި ހިނގާ ލޭ ޕުރެސަރާ، ދަށް ވެސް ވެޔޭ ފެން މަދުވުމުން

    ދެންވެސް އެވާ ލޭ ޕުރެސަރާ، މަތިވާން އެ އެދެނީ ވެސް ފެނޭ

 

ބޯ އެނބުރުމާ ބޮލުގާ ރިހުން، ގަދަވެސް ވެޔޭ ފެން މަދުވުނުން

   ބޯ އެނބުރުމަށް ވެސް އެންމެ މޮޅު، ފަރުވާ އަކީ ވެސް ހަމަ ފެނޭ

 

ތަކެތީގަ ކުޑަކަމުދާ ހެދޭ، އިންފެކްޝަނާ އަކި ބަލިތަކާ

    ތަކެތިން ފިލަން އިންފެކްޝަނަށް، އޮތް ހައްލަކީ ވެސް ދެން ފެނޭ

 

އާދަވެ ދުވާލަކު މަދުވެގެން، އަށް ތަށި ބޮވޭތޯ ދެން ބަލާ

    ހާދަހަ މިއީ މޮޅު ބޭހެކޭ، އެކި ބަލިތަކަށް މީ ވާ ފެނޭ