ުނިކަން ގަދަޔަށް ހެދޭ ކުރިލާ، އެތައް ތަނަކުން އަރާ ހެދިލާ

   މިކަން ކަމުގައި ލިބޭ އުފަލާ، ލިބޭ ހިތްހަމަ ޖެހުން ހެވިފާ

 

ލިބޭ ހުރިހާ މޮޅާ ޝަރަފާ، ލިބެން ނެދޭ ބައެއް އުޅިދޭ

   ތިބޭ ދުރުގައި ބަލަން އެވެރިން، އަޅާ ލޯތައް ނިކަން ނުލަފާ

 

އެކަންކަމަކާ ވެގެން މިވަޠަން، ދަނީ ފަހަތަށް ސަފުން ބާކީ

   އެކަން ނުވަނީ ނުބައި ހިތަކުން، ރަހުމު ކުރުމަށް ްއެދޭ ނުލަފާ

 

ބަޔަކު ތިބުމުން ހަސަދަ ފަތުރާ، ފިތުނަ އިތުރަށް މިތާ ގިނަވާ

   ގަޔަކު ނެތުނަސް އެހާ ބާރެއް، ފިތުނަ ފަތުރަން އުޅޭ ނުލަފާ

 

ރަނގަޅު ގުޅުމެއް އެތާ އޮތުމުން، ނަދުރު ބުނެޔޭ ގުޅުން ކަނޑުވަން

   ރަނގަޅު ކަމަކަށް ރުހެން ހިތުގާ، ނެތޭ އަމުދުން ކަމެއް ނުލަފާ

 

މިފަދަ މީހުން މިހެން އުޅުމުން، ތަރައްގީގައި ނުދޭ ކުރިއަށް

   މިފަދަ ފަނިތައް މިހާ ގިނަވެން، ދިއުން އެއަކީ ކަމެއް ނުލަފާ