ކަންކަން ވެދާ އެކި ގޮތްގޮތަަށް، ޝަކުވާ މިއަދު ކުރެވޭނެހޭ؟

   ތަންތަން ބަލާ އެދުރުންނަކަށް، ކަންކަން މިތާ ހައްލެއް ނުވީ

 

ކުށްތައް މިތާ ގިނަވެން ދަނީ، ކުށްކުށް ކަމަށް ނުދެކޭތިއޭ

   ކުށް ކުރުމުގާ އަމުދުން ޒުވާން، ޖީލެއް މިތާ ފުނޑުފުނޑު މިވީ

 

އަދި ބުނެވެޔޭ ބޮޑު މީހުނާ، ތަހުތަށް އަރާ ތިބި އެންމެނާ

   ކުދި ކުށްތަކާ ބޮޑު ކުށްތަކުން، "ޒީނަތްވެގެން" ހެވިފާ އެވީ

 

ހާލަތު މިއީ ގައުމުގެ ހިނގާ، ކިހިނެއް ސަލާމަތް ވާން އޮތީ؟

   ހާލަތު ބަދަލު ކުރުމުގެ ނެތޭ، ރޫހެއް ހިތުން މަރުވެފަ މިވީ

 

އިސްލާހުވާން އެދެނީ މިބިން، މިނިވަންކަމޭ ކިޔަމުން ނިކަން

   އިސްލާމުދީނުގެ ހައްދުތައް، ނައްތާލުމަށް މަރުދީފަ ވީ

 

ހުޅަނގުގެ ހިނގާ ގާނޫނުތައް، މާ މޮޅުކަމަށް ދެކިގެން ތިބީ

   އުޅަކުގެ ބުޑުން ފެން ނިރުނަކަސް، ކަމުދާ ކަމަަށް ދެކިގެންނެވީ