ދިވެހި އަދަބީބަސްތަކުގެ ތެރެއިން ގަހު ގަތް ގޮތޭ ބުނެވޭ މަޖާޒު ބަހަކީ އަދު އަހަރެމެންގެ ދޫތަކު މަތިން ގެއްލިގެން ގޮސްފައިވާ ބަހެކެވެ.

މިބަހުގެ ބަހަވީ މާނައަށް ބަލާލާއިރު މި ބަހުގައި ބުނެވެނީ ގަހެއް ހެދިބޮޑުވެފައި ހުރި ގޮތުގެ މިސާލު ބަޔާން ކޮށްދިނުމަށެވެ. ގަހެއް ހެދި ބޮޑުވަނީ އޭގައި ފުރާނައެއް ނެތް ނަމަވެސް ދިރުމެއް ހުރެގެންނެވެ. އެ ގަހަށް ވިސްނުމާ ފިކުރު ކުރުމާ، އެނގުމާ ދެނެގަތުގެ ގާބިލުކަމެއް ލިބިފައެއް ނުވެއެވެ.

މި ބަހުގެ މަޖާޒީ މާނައަކީ އެއްވެސް ތަނެއްދޮރެއް ނޭނގި ބޮޑުވެފައި ހުންނަ ހުރުމެވެ. މި ބަސް ރައްދު ކުރެވެނީ ނުވަތަ ބުނެވެނީ ތަނެއް ދޮރެއް ނުދަންނަ މީހުންނާއި ދިމާލަށެވެ. މިސާލަކަށް އާންމު އާދައިގެ ކަމެއް ކުރަން އުޅޭ އިރު، އެކަމުގެ އެއްވެސް މައުލޫމާތަކާއި އިލްމަކާއި އަދި އެކަމުގެ އެއްވެސް އެއްޗެއް އެނގިފައި ނުހުންނަ މީހާ އާއި ދިމާލަށް ގަހު ގަތް ގޮތަށް ބޮޑުވެފައި ހުރި މީހެކޭ ބުނެވިދާނެެެއެވެ.