އަނދާ މޭގަނޑު މަގޭ ވިރިގޮސް، ހުޅޭ ހިތުގާ އެހެރަ ފަޅަނީ

   ހަނދާ އޭ ކީއްވެގެން ހޭ ގޮސް، ވިލާ ގަނޑަކުން ތި ފަރުދާވީ

 

ނިކަން ނަލަ ހަދުވަރެއް ދީފާ، ބިމަށް އަލިކަން އެހާ ދީފާ

   މިކަން މިގޮތަށް އަބަދު ބާއްވަން، މަގޭ އެދުމުން ތި ފަރުދާވީ

 

މަށާ ކުޅެނީ ތިހެން ކީއްވެން؟، މަގޭ ހައްދާ ލަނީ ކީއްވެން؟

   ވަށާ ހުރިހާ ކަމެއް ހަމަކޮށް، ތިހެން ކީއްވެންހެ ފަރުދާވީ؟

 

އެދިން އަލިކަން އެރޭ ތަކުގާ، އެހާ ފޮނިކަން އެރޭ ހޯދާ

   އެދިން އަލިކަން ތި ގެންދިޔައީ، ވިލާ ތަކުގާ ތި ފަރުދާވީ

 

މަގޭ ކުށްވެރި އަކަށް ތި ހެދީ، އެ ހަނދުވަރުގާ މަގޭ ހުރުމުން

   މަގޭ ކުށަކީ ކޮބާ ހެއްޔޭ؟، އެނަަލަ ހަނދުވަރު ތި ފަރުދާވީ

 

މުޅިން ކަނު އަނދިރި ކޮށް ތިޔަ ލީ، ހިނގާނޭ މަގު މަށަށް އޮޅުނީ

   މުޅިން ބާކީވެ ހުނަންވީ، މިހެން މާޔޫސްވެ ފަރުދާވީ