ހަރު އަޑުން ހުރެ ބުންޏަކަސް، އެބުނަނީ ނަފްރަތު ނުލާ

   ބަރު ކަމެއް އަޑުގާ ވިޔަސް، ރުޅި ނުވޭ އެބަހުގެ ތެރޭ

 

ލިބުމަކަށް އަދު ގެއްލުމެއް، ކިހިނަކުން ރުހެވެން އޮތީ

   ކިބުރުކަން ހިތުގާ ނުލާ، ލޯބިވޭ އެ ހިތުގެ ތެރޭ

 

މަންމައާ އަދި ބައްޕައޭ، ހަރު އަޑުން ބުނަނީ މަށަށް

   ކަންނުބައި އިސްލާހު ވާން، އަޒުމުގާ އެ ހިތުގެ ތެރޭ

 

ދެރަ ނުވޭ މާޔޫސް ނުވޭ، ދެރަގޮތެއް ނޭދޭނެޔޭ

   ދެރަވެ ރޯން އަދު ޖެހުނަކަސް، ގާތުގާ ވޭ އުނގު ތެރޭ

 

އެބުނަނީ އިސްލާހުވާން، ހުރެ ބުނާ ބަސްތައް ތެދޭ

   އެބުނި ބަހަކުން ރުޅި އައުން، ނާދިރޭ އެ ހިތުގެ ތެރޭ

 

ވިސްނަވާށޭ ކަންކަމަށް، އެކަމުގައި އެވެރިން ދެކޭ

    ގިސްލަމުން އެބަ ރޮއެހަދާ، ކުށް ކުރާތީ ރަށު ތެރޭ

 

ކިހިނަކުން ކެތްވާން އޮތީ، ލަގޮނޑިއަށް މަންމަގެ ތިބާ

    ވިހިތަނުން ކުށްފާފަތައް، އާންމު ކޮށްގެން ގޭތެރޭ

 

އެހިނދުގާ އަރު ތެރެ ފުރާ، ބާރުލާ އަދު ބުންޏަކަސް

   ކެހިދުނުން އެހިތުގަ ނުވޭ، ފުރި އެ ހިތް ވީ ހަމްދަރޭ

 

ދަސްކުރާށޭ މަންމަމެން، ހަރު އަޑުން ބުންޏަސް އެއީ

   ގަސްތުގާ ރުޅި އިސްވެގެން، ހުރެ ބުނާ އެއްޗެއްމެ ނޫން