ބަހެއް ބުނުމުން ތިމާ ވެދެޔޭ، އަޅެއް ކަމުގައި އެ ބުނި އެއްޗެއް

   ބަހެއް ބުނުމުގެ ކުރިން އެ ބަހީ، އަޅެއް ކަމުގައި ވެޔޭ ގެ ތިމާ

 

އެހެން ހުރެފާ ބުނާ ބަހަކުން، ވެޔޭ އަނެކާ ނިކަން ދެރަ ވެސް

    އެހެންކަމުގައި ވަނީ ވިއްޔާ، ކުރިން ވިސްނާ ބަހެއް ބުނުމާ

 

އަރައިގެންދާ ވަހެއް ފަދައިން، އެބަސް ފެތުރޭ ފަޒާގެ ތެރޭ

   ކަރާ އަރުގައި ލުމުން ހިތިރަހަ، އެއީ އަނިޔާ އެކޭ ބުނުމާ

 

ހިތާމަ ކުރޭ އެހެން މީހުން، އިވޭ އިރުގާ ހުތު އަޑު ތައް

ހިތާ ހިތުގައި ޖެހެން ޖެހެއޭ ،މައާފެއް ނެތް ކަމެއް އެނގުމާ

 

ބަހެއް ބުނުމުގެ ކުރިން ވިސްނާ، ބުނާ ބަހުގާ އެވާ އަސަރަށް

   ދަހެއް ނުކުރަންހެ ކަންކަންމި، ހިނގާ ދުނިޔޭގަ ވާ އެ ގޮތާ