ދިވެހި އަދަބީބަސްތަކުގެ ތެރެއިން ނަސީބަކީ ކަތީބު ދޭ އެއްޗެއް ނޫނޭ ބުނެ އުޅޭ ބަހަކީ މުސްކުޅި ބަހެކެވެ. މިއީ މިޒަމާނުގައި ބައެއް މީހުން އާންމުކޮށް ބުނެ އުޅޭ ބަހެކެވެ.

މި ބަހުގެ ބަހަވީ މާނައަށް ބަލާއިރު، ނަސީބޭ ބުނެވޭ ބަސް ރައްދު ކުރެވެނީ ލިބޭ މޮޅު ކަންކަމަށެވެ. ދެން އެއަށްފަހު އެއީ ކަތީބު ދޭ އެއްޗެއް ނޫން ކަމަށް އެ ބުނަނީ، އެޒަމާނަށް ބަލާއިރު ކަތީބުންނަކީ ބޮޑުންގެ ގޮތުގައި ތިބޭ މީހުންނަށް ވާތީ އެކަން އެބައިމީހުންނަށް ރައްދު ކުރުމަށެވެ.

މި ބަހުގެ މުސްކުޅި މާނަ ރައްދު ކުރެވެނީ ބޮޑުންގެ ފުށުން ނުވަތަ ބޮޑުންނާއި ގުޅިގެން ނުވަތަ ބޮޑަކު ކޮށްދީގެން ނޫން ގޮތެއްގައިވެސް، އާންމު ފަރުދަކަށް ނުވަތަ ދެރަ ނިކަމެއްޗަކަށްވެސް ރަނގަޅު ގޮތެއް ލިބިދާނޭ ނުވަތަ ހޯދިދާނޭ ބުނެ އުޅުމަށެވެ. މިއީ އާންމުގޮތެއްގައި ހިތްވަރު ދިނުމުގެ ގޮތުން ބުނެ އުޅޭ ބަހެކެވެ. އާދޭހެވެ! ނަސީބަކީ ކަތީބު ދޭ އެއްޗެއް ނޫނެވެ!