ޔާރައްބަނާ އަޅަމެން މިތާ، ކުށްތަކު ތެރޭ ތިއްބާ މިތާ

   ޔާރައްބަނާ ހެވަޔާ ނުބައި، ވަކިކޮށް މިތަނުގާ ދައްކަވާ

 

އެއްބަޔަކު އެކަމަށް ނުރުހުނަސް، ހަމަ އޭގެ ބައެކޭ ރުހިދަނީ

   ދެއްވާށި ވިސްނުން ހެޔޮލަފާ، ޝޭހުން އެދުރުނަށް ދެއްވަވާ

 

ހައްޤަށް ބަހެއްބުނި މީހަކަށް، ނަފްރަތު ކުރާ މިކުރުންތަކާ

   ދައްކާ އުޅޭ ވާހަކަ ތަކުން، ހިތްވަރު ލިބޭ ތޯ ދަންނަވާ

 

ޔާރައްބަނާ ތިޔަ ހަޟްރަތަށް، ކީރިތި އިލާހަށް ދަންނަވަން

   ހާލަށް މިދީބު ކިޔާ ގޮވާ، ހެޔޮ ހާލު އަބަދަށް ދެއްވަވާ

 

ހަރުކަށިކަމާ ދީނާއިދުރު، ވިސްނުންތަކަށް ފުރުސަތު ނުދީ

  ސަރުކާރުގައި ސާބިތުކަމާ، ކެރުމާއި ހިތްވަރު ލައްވަވާ

 

އާންމުންގެ މެދުގާ ދީނަށާއި، ޤައުމަށް މިވާ ލޯތްބާ ކުލުނު

  އާންމުވެ ހިނގާ ގޮތުގާ އިތުރު، ކޮށްދެއްވުމަށް އެދި ދަންނަވާ

 

ވެރިކަމުގެ މިނިޒާމުގެ ތެރޭ، ދީނާ ސިޔާސަތު ވަކިކުރުން

   ވެރިއެއްވިޔަސް ހެޔޮވާނެހޭ، ޤައުމެއްގަ އިސްލާމީ ކުރަން