އެހާ ފަތިހާ އުޅޭ ހޭލާ، ފަޒާގެ ތެރޭ ގޮވާ ހަދަމުން

   އެ ހާ އެގޮތަށް ގޮވާލީމާ، ނިދިން ހޭލާ އަހުން އުޅެމޭ

 

ގަހަށް އެރިޔަސް ނިދަން ކުކުޅާ، އެކީގައި ކޮށި ތެރޭ ތިއްބަސް

   އަހަން ޖެހޭ ފަތިސްނުވަނީސް، ގޮވާ އަޑު ހާ އަހާ އުޅެމޭ

 

ގޮވާ އިރުގާ ގޮވާ ރީއްޗަށް، އެހާ ސާފުވެ އިވޭ ގޮތުގާ

   ހޮވާ ކައިގެން އެހެން އުޅުނަސް، ރިވެތި އަޑުތައް އަހާ އުޅެމޭ

 

ނިކަން ބާރަށް ގޮވާ އެގޮވުން، ކަރުން ތޮޅިލާ ނުކުންނަ ގޮތުން

   ނިކަން ހިމަ އަރުތެރޭން ނުކުތަސް، އެ ބަރު އަޑުވެސް އަހާ އުޅެމޭ

 

ބުނޭ އެސޮރަށް ފެނޭ ރޫހާ، މި ދުނިޔޭގާ ކަމެއް ވުމަކާ

   ބުނޭ އޭރުން އެސޮރު އެގޮވާ، ގޮވުން ގިނަކޮށް އަހާ އުޅެމޭ

 

މިކަންކަމުގައި ވަނީ ވިސްނާ، އުޅޭ ބަޔަކަށް ދަރުސްތަކެކޭ

   ނިކަން މިކަމާ ތިހެން ވިސްނާ، ލަމާ މޭރުން ކަމެއް ވޭތޯ!