ދިވެހި އަދަބީބަސްތަކުގެ ތެރެއިން ބުޅިކެނޑޭނީ ކެޔޮޅުއަތުންނޭ ބުނާ ބަހަކީ މުސްކުޅި ބަހެކެވެ. މިއީ ގިނަ މަސައްޖަތްތަކުގައި އެކި ފަރާތްތަކަށް ރައްދުކޮށް ބޭނުންކުރަން ރަނގަޅު އަދި ރީތި ބަހެކެވެ.

މިބަހުގެ ބަހަވީ މާނައަށް ބަލާލާއިރު، މި ބަހުގައި މި ބުނެވެނީ ކެޔޮޅެއްގެ ވާހަކައެވެ. ކެޔޮޅުންނަކީ މަސްވެރިކަމުގައި ބަސްކިޔާ ހަރު މީހުންނެވެ. ބުޅި އަކީ މަސްބޭނުމަށް ބޭނުން ކުރާ އަސާސީ އާލާތެކެވެ. އެހެންކަމުން އެ ބުޅި ކެނޑޭނީ ކެޔޮޅު އަތުން ކަމަށް މި ބަހުގައި އެބަ ބުނެއެވެ. އާދޭހެވެ! އެދުރެއްގެ އަތުން ނުވަތަ މަސްވެރިކަން ނޫން މަސައްކަތެއް ކުރާ މީހެއްނަމަ އެމީހެއްގެ އަތުން ބުޅިއެއް ނުކެނޑޭނެތާއެވެ. އެއީ އެ މަސައްކަތްތަކުގައި ބުޅި ބޭނުން ނުކުރާތީތާއެވެ.

މިބަހުގެ މުސްކުޅި މާނައަކީ އެއްޗެއް ގިނަފަހަރަށް ހަލާކުވާނީ އެ އެއްޗެއް ގެންގުޅޭ މީހެއްގެ އަތުންކަން ބުނެދިނުމުގެ މާނައެވެ. އާއްމުގޮތެއްގައި ކަމެއް ކުރުމަށް އަލަށް ކުރިމަތިލާ މީހަކަށް އެކަމެއްގައި ހެދޭ ގޯސްތަކާއި އެކަމެއް ކުރުމުގައި އެމީހެއްގެ އަތުން އެކަމެއް ކުރުމަށް ގެންގުޅޭ އެއްޗަކަށް ގެއްލުމެއް ލިބޭ ހާލަތްތަކުގައި އެމީހަކު އެ ވެފާ ހުންނަ ދެރައަކުން ދުރުކޮށްދީ ހިތްވަރު ދިނުމަށް މި ބަސް ބޭނުން ކުރެއެވެ.