ފަރިއަށް ފޮޅުނު މަލަކުން ދެފިޔަ، އަރިހަށް މަގޭ ގެންނާނަމޭ

    ފަރިޗާލު ކުލަތައް އެމަލުގާ، އަރިއަށް އޮވެން ހޯދާނަމޭ

 

ވަރިބޯވިޔަސް ފިޔަތައް އެވާ، ދަރިޔާ މަގޭ އަތުލާނަމޭ

    މަރިސާހިފަން ޖެހުނަސް ހެވޭ، ވަރިވާކަށެއް ނުހަދާނަމޭ

 

މަރިޔާދުކަން ލިބިފާނެތަސް، މަރިޔާދުކަން ހޯދާނަމޭ

    މަރިޔަންމަލެއް ވިޔަކަސް ހެވޭ، ފިޔަތައް މަގޭ އަތުލާނަމޭ

 

ކަރިގަނޑު ތެރޭ ކުނޑިތައް ނެތަސް، ބޭނުން ވަނީ ފިޔައޭ ދެތިން

    ތަރިތަކުގެ ބެބުޅުން ފަނޑުނުވާ، ޒާތެއްގެ މާ ބިންނާނަމޭ

 

ފަރިއަށް ފޮޅުނު މަލަކީ މަގޭ، މިލްކެއް ކަމަށް މަ ހަދާނަމޭ

    ސަރިޔަތް ކުރަން ގާޒީ އިނަސް، އެ މަލުން ދެ ފިޔަ ހޯދާނަމޭ