އުޅޭ އުޅުމާ ގުޅޭ ގުޅުމުން، ބަދަލު ވާނޭ ތިމާގެ އުޅުން

   ކުޅޭ ކުޅިވަރު ތަކާ އެކުގާ، ގުޅޭ ގުޅުމަށް ނިކަން ވިސްނާ

 

ބޮޑުވެ ފައްކާ ވަމުން އެދަނީ، އެތައް ކަމެކޭ ލޮލަށް ފެނިގެން

   ލޮޑުވެ ތިޔަހެން އަޅާނުމެލާ، ތިބެންވަންޏާ ހުރޭ ވިސްނާ

 

މަގުން ކެހިގެން ދުރަށް ޖެހިގެން، ތިމާގެ ދަރިން ދުރަށް ދަންޏާ

   ވަގުން ލިސްޓަށް އެނަން އެރުމުގެ، ކުރިން އެކަމާ ތިބާ ވިސްނާ

 

މައިން ބަފައިން ތިއޭ އެދަރިން، އެގޮތް މިގޮތަށް ހެދޭނެ ކަތުން

    މައިން އަތުގާ ނެތުނު އިރު ބާރު، ކުރަން ކިޔަމަން ނިކަން ވިސްނާ

 

ހަރަދު ކުރުމާ ކެއިން ބުއިމާ، މިކަންކަން ކޮށްދިނަސް ނުފުދޭ

   އަރަނި ބޮޑުކޮށް ތިމާގެ އޮތަސް، ދަރިންނާ މެދު ނިކަން ވިސްނާ

 

ތިމާގެ ދަރިން ކުރާ ކަމަކުމް، ވަނީ ބަދުނާމު ތިމާއާ އެކު

   ތިމާ އެކަމެއް ނުވެސް ދަނެއޭ، އެހެންކަންކަން ވަމުން ދާތީ