ދުރުގާ މަށާއި ހުއްޓަސް، ތިޔައީ މަގޭ ދަރިންނޭ

   ހުރުމުން ދަރިން މަ ދުރުގާ، ދެރަވެން އެހާމެ ރޮވެޔޭ

 

ކުލުނާއި ލޯބި ދީފާ، މަންމާ މަށާއި ދުރުގާ

  ކުލުނުން ލިބޭ މި އުނިކަން، ގިސްލާ އެހާމެ ރޮވެޔޭ

 

ހިތްވަރު މަށަށް ތި ދީފާ، ދުރުގާ ހުރީމަ ބައްޕާ

   ހިތްވަރު ކުރަން ޖެހޭތީ، އާހުން އެހާމެ ރޮވެޔޭ

 

ހެޔޮގޮތް މަށަށް އެބުނެދޭ، އަނބިގޮއްޔެވެސް ނެތީމާ

  ވެޔޮފައިގަ އޮޅި މަ ވެއްޓޭ، އިރު ހާދަހާ މަ ރޮވެޔޭ

 

ދެކިލަން މަގޭ މި އެދެނީ، ލޮބުވެތިވި އާއިލާއޭ

   ދެކިލާހިތުން މަ ހުއްޓާ، ފެންނަން ނެތީމާ ރޮވެޔޭ

 

އުންމީދު އަބަދު ކުރަނީ، އަވަހަށް ދިއުން ތި އަރިހަށް

  އުންމީދު ކުރި މިކަންތަން، އަވަހަށް ނުވީމަ ރޮވެޔޭ