ދިވެހި އަދަބީ ބަސްތަކުގެ ތެރެއިން، ވަޅި ރީތީ ތޫނިއްޔާއެވެ، އަނބި ރީތީ ހެވިއްޔާއޭ ބުނާ ބަހަކީ މުސްކުޅި ބަހެކެވެ.

މި ބަހުގެ ބަހަވީ މާނައަށް ބަލާލާއިރު، މި ބަހުގައި މި ބުނެވެނީ ވަޅިއެއްގެ ރީތިކަން ފެންނާނީ ނުވަތަ އެނގޭނީ އެ ވަޅި ތޫނުވި ވަރަކަށް ކަމަށެވެ. އަދި އަނތްބެއްވެސް ހަގީގަތުގައި ރީތި އަނތްބަކަށް މި ވަނީ އޭނާ ހެޔޮވީމާ ކަމަށެވެ.

މިބަހުގެ މުސްކުޅި މާނަ އަކީ ކޮންމެއެއްޗެއްވެސް ރަނގަޅުވުމަކީ އެއެއްޗަކުން ހިފެންވާ ބޭނުން ރަނގަޅަށް ހިފެވުމެވެ.

ވަޅިން ހިފަންވާ ބޭނުން ރަނގަޅަށް ހިފޭނީ އޭގައި ތޫނުކަން ހުރިއްޔާއެވެ. ހަމަ އެފަދައިން އަނބިމީހާވެސް ރަނގަޅު އަނތްބަކަށްވާނީ އުޅުންހުރި ގޮތްހުރި ހެޔޮމީހަކަށް ވިއްޔާއެވެ.

މިބަސް އާންމުކޮށް ބޭނުންކޮށް އުޅެނީ އަނބިންނާ ބެހޭގޮތުންނެވެ. އަނބިންނަށް ރަށްދުކޮށެވެ. އަނތްބަކު އިހްތިޔާރު ކުރާއިރު، އަނބިމީހާގެ ރީތިކަން މިނެ ކިރަން އޭނާގެ ބުރުސޫރައަށް ބެލުމަށްވުރެ ބޮޑަށް އޭނާގެ އުޅުމާއި، ގުޅުމާއި އަޚުލާޤަށް ބަލަން ވާނޭކަމަށް ނަސޭހަތް ދިނުމުގެ ގޮތުންވެސް މި ބަސް ބޭނުން ކޮށް އުޅެއެވެ.