މުސްލިމް މިއުންމަތް ވޭނުގާ، ގިސްލާ ހަދާތީ އާހުގައި

   މުސްލިމް ވެރިންނަށް ނުފެނުމުން، ދެރަތައް ލިބޭތީ އުންމަތަށް

 

ކަނުވެން ދެލޯ ނުދިޔަސް ހިތޭ، ގަބުވެސް ވެފާ އެވެރިން ވަނީ

   ކަނު ދުނިޔެއްހޭ މީ ކޮޔާ، އަނިޔާ ކުރާއިރު އުންމަތަށް

 

ޣައްޒާގަ އެތިބީ މަދުބައެއް، އެކަމަކު އެއީ މުޅި އުންމަތޭ

   ޣައްދާރުނަށް ފުރުސަތު ނުދޭން، އަނިޔާ ކުރާއިރު އުންމަތަށް

 

ތެދުވޭ އަޙުން އުޙުތުން އެކީ، ޣައްޒާގެ މަތިވެރި ބިން ކުރަން

   ތެދުވޭ ކުރަން މިނިވަން އަލުން، އަނިޔާ ކުރާއިރު އުންމަތަށް

 

އަނިޔާ ކިޔަސް އެ ކުރާ ކަމީ، އަނިޔާ އަކަށް ވުރެ ބޮޑު ކަމެއް

   ފަނިފަކުސަހެން ޗިސްޗިސް ކުރީ، އަނިޔާ ކުރާއިރު އުންމަތަށް

 

ވަކި ޖިންސަކަށް ވަކި މީހަކަށް، ވަކި އުމުރަކަށް ނުބަލާ އެތާ

   ވަކިކޮށްލަނީ އެ ފުރާނަޔާ، ހަށިގަނޑު މި މާތްވީ ެުއުންމަތަށް

 

ކުދި ކުދި ކުރީއޭ ބޮންތައް އަޅާ، ގެދޮރާ މުދާ އަދި ނަފުސުތައް

   ކުދި ކުދި ކުރީ ކަރުނައިން، މިހިތާއި ހިތް މުޅި އުންމަތަށް