ވުމުން ހައްޔަރު ނިކަން ތިބެގެން، ބިރުން ރޮއެ ހޭރުނޭ އެވެރިން

   ވުމުން ކުލުނާއި ހަމްދަރުދީ، ހިތުން ރުހި ހީލިއޭ އެކުދިން

 

ނަމުން ވީމާ އަސީރުންނަށް، އޮތީ ބިރުވެރި ކަމެއް އަމުދުން

   ކަމުން މެހުމާނުނަށް ވީމާ، ލިބުނު އުފަލުން ތިބީ އެވެރިން

 

ހިތުން ގިސްލާފަ ތުރުތުރުލާ، ބިރުން ހޭވެސް ނެތޭ އެވެރިން

   ނިތުން ކުރި ކަންކަމުން ފެނުނީ، އަޅާލުން އިސް އެވެރިން

 

ނަގާ ދައްކަން ފެށީ ދޮގުތައް، އެބައި މީހުން އަތުން ހެދިހާ

   ނަގާ ސެލްފީތަކުން ފެނުނީ، އުފާވެރިކަން އެތާ ވީހެން

 

ކަމަށް ބުނި ނިރުބަވެރި މީހުން، ނަގާ ދެއްކީ އުސޫލުތަކޭ

   ކަމަށް އިސްލާމު ދީނުގަ ވާ، ކުރުން ކަންތައް އަސީރުންނަށް

 

ފެނާ ބޭހާއި ކޮއްތު ދަރާ، އެތައް ފަރުވާ ތަކެއް ދީފާ

   ބިނާކުރި ގާތް ގުޅުންތަކަކުން، ހިޔެއް ނުވެއޭ އަސީރުންހެން

 

މިއީ މުޅި ދުނިޔެ ސިހުނު ކަމެއް، އެތައް ބަޔަކަށް އަޖައިބު ކަމެއް

   މިއީ މުސްލިމު ތަކުންގެ ގޮތޭ، މިތާ ދަސްކުރި ގޮތާއި ފޮތޭ