އަދިވެސް ކުރާ އަނިޔާ ތަކާ، ދޭ ގެއްލުމާ ގޯނާ ތަކާ

   އަދިވެސް ދަނީ އިތުރަށް ދެމުން، ކީއްވެހެ ކިޔުން ހުއްޓާ ތިލީ؟

 

ހާލަތު ނުވޭ ހެޔޮ ތަންކޮޅެސް، ޖާހިލުތަކުން ދޭ ހަމަލަތައް

   ޢާލަމް އެކީ ހެކިވޭ ނިކަން، ކީއްވެހެ ކިޔުން ހުއްޓާ ތިލީ؟

 

މުޅި އުންމަތޭ ރޮއެ ހޭރެނީ، އެފަކީރުނަށް މަދަދެއް ވުމަށް

   މޮޅިވެރިކަމޭ އަދު ފެންނަނީ، ކީއްވެހެ ކިޔުން ހުއްޓާ ތިލީ؟

 

މުސްލިމް ތަކުންނަށް ހުރި ގޮތީ، އަދި މޮޅު ގޮތީ ކުރުމޭ ދުޢާ

   މުސްލިމު ތަކުންގެ ނަމާދުގާ، ކީއްވެހެ ކިޔުން ހުއްޓާ ތިލީ؟

 

ހަމަ ކޮންމެ ކޮންމެ ނަމާދަކާ، އެ ނަމާދުގާ ކީ އެ ގުނޫތުތައް

   ހަމަ ހުރެފަ ކުއްލިއަކަށް މިތާ، ކީއްވެހެ ކިޔުން ހުއްޓާ ތިލީ؟

 

އަސަރެއް އެއިން ނުކުރާކަމަށް، ހީވީހެ އަދު މަގެ ކޮއެފުޅާ

   އަސަރެއް ތިބާ އިމާނުގާ، ކުޑަވެސް ނެތީހެ ހުއްޓާ ތިލީ؟