ވަރިވާން އެދޭ ޒުވާނާ ވިސްނަން ޖެހޭނެ ކަންކަން

   ވަރިވާން ހިތަށް އަރާއިރު ރަނގަޅަށް ހަނދާން ކުރާށޭ

 

އަހުދެއް އެއީ އެހާ ބޮޑު އުމުރަށް ވެވޭ ޤަރާރެއް

    އަހުދާ ހިލާފުވާއިރު ރަނގަޅަށް ހަނދާން ކުރާށޭ

 

ބާރަށް ޖަހާފަ ކައިވެނި ގޮށުގާ ވަގޮށް ޖަހާފާ

   ބާރަށް އެ ގޮށް މޮހާއިރު ރަނގަޅަށް ހަނދާން ކުރާށޭ

 

ގޮތަކުން ގޮތެއް އޮތިއްޔާ މިގޮތައް ހަދަން ނުވާނޭ

    ފޮތަކާއި އަތުގަ ގަލަމެއް ނެތަކަސް ހަނދާން ކުރާށޭ

 

ކުށަކުން ކުށެއް ނުކުރެވޭ މީހަކު މިތަނުގަ ވޭހޭ

   ހުށަހެޅުނު ކުށުނުގެ މައްޗަަށް ހައްލެއް ލިބުން ބަލާށޭ

 

ވަރި އިސްކުރުން އެ ގުޅެނީ އެތަކެއްގެ ބައެއްގެ ގުޅުމާ

   ވަރިވީމަ ދެން އެވާގޮތް ރަނގަޅަށް ހަނދާން ކުރާށޭ