ފަލަސްތީނަށް އެދޭ އަނިޔާ، ކުރަން ކުށްވެރި ހިތާ މިދުލުން

     ފަލަސްވެވިގެން މިހިތް މިދަނީ، ފަލަސްތީނާ އެކީ ގުޅިގެން

ނުބައިނުލަފާވި ޒައިނިސްޓުން، ހަޔާތްކެނޑިގެން އުޅެންފެށުމުން

     ނުބައިކަން އިންތިހާއަށް ގޮސް، އަޚުން އުޚުތުން ގަތުލު ކުރަމުން

ކުށެއް އަމުދުން ނުވާ އެކުދިން، ޔަތީމުންނަށް ހަދާ އެލަނީ

     ކުށެއް ކަމުގައި މިދުނިޔޭގައި، އުޅުން ދެކިގެން ކަމަށް ހަދަމުން

އިމާރާތާ ގެދޮރު ނެތިކޮށް، ބިމާ ހަމަޔަށް ތަޅާ އެލަނީ

     ތިމާ ހިތުގައި އަގަލު ރަހުމެއް، ކުލުނު ލޯތްބެއް ނުވެސް ނެތުމުން

އޮހޭ ކަރުނައިގެ ފެން ކޯރުން، ދެލޯ ތެމިފޯވެގެން ދޭހުން

     އޮހޭ ލޭ ކަރުނަތައް އެލޮލުން، މައިންނާ އެކު އެތާ އުޚުތުން

ނެތޭ ރޫހެއް އަދާ މާދަން، ތިބޭނޭ ކަމުގެ އުންމީދެއް

     ގެތޭ ހަމަލާތަކުން ލިބިދާ، ބޮޑެތި އަނިޔާ ހިތަށް ލިބުމުން