ފަޅުމަތި ނަޔާ ވިޔެ ދިއްލިފާ، އަރަމުން އެދާ ހަނދުވަރު އަލިން

     ތަޅުލެވި މިހިތް ދާހާ ވެޔޭ، ދެކިފާ އެމަންޒަރު ހަމަ ލޮލަށް

ކަންވާރު ބުޅި ރޯލަށް އޮޅާ، އަރުވާ ޖަހާ ދެކޮޅަށް ހިނގާ

     ދަންވަރު ހިމޭންވާ ވަގުތުގާ، ހަނދު މެދުޖެހޭ ފޮސް ދިޔަވަރަށް

މަދުވެސް ނުވާހާ މިންވަރަށް، އެންވެސް ހިފީމޭ ގަސްތުގާ

     މަދުގަސްދޮށަށް ދެވުމާ އެކީ، ގޮސް ހުއްޓުނީމޭ ގޮނޑު ދޮށަށް

އެންކޮޅު އަޅާ ބުޅިއަށް މަހާ، އެރިގޮސް ކަކޫތާ ލޮނު ގަނޑަށް

     އެންކޮޅު ނަގާ އަނބުރާލަމުން، ހޫރާ މަ ލީމޭ އަތު ކޮޅަށް

ކުދިމަސް ކޮށާހެން ހީވެއޭ، ވާނެއް ނަނަށް ވާކަން އިނގޭ

     ކުދި ލަކިމެދުން ހުރެފާ ނިކަން، ބާރަށް ދަމައި ގަނެފިއެ ނަނަށް

ބުޅި އުފުރިގެން ދިޔައޭ އެރޭ، އަހަރެން މިދިން ގަދަ ލަތްކަކުން

     މުޅިރޭ ހަރާބުވެގެން ދިޔޭ، ބުޅި ހުސްވުމުން މަސް ބޭނުމަށް