ރޯދަ މަހާއި ދިމާކޮށް ލުނބޯގެ އަގު އުފުލިފައި ވީނަމަވެސް، އެސްޓީއޯއިން އަގުހެޔޮކޮށް ލުނބޯ ވިއްކަން ފަށައިފި އެވެ.

އެ ކުންފުނިން ލުނބޯ އެތެރެކޮށް، ކިލޯއެއް މިހާރު ވިއްކަނީ 45ރ އަށެވެ. ލުނބޯގެ އަގު ހެޔޮ ކުރި ނަމަވެސް، ލުނބޯ ވިއްކާނީ ކޮންމެ ކަސްޓަމަރަކަށްވެސް ވަކި މިންވަރަކަށް ކަމަށް އެސްޓީއޯއިން ވަނީ ބުނެފައެވެ. މިގޮތުން އެސްޓީއޯ ޕީޕަލްސް ޗޮއިސް އިން ކަސްޓަމަރަކަށް ލުނބޯ ކިލޯއެއް ވިއްކާއިރު އެ ކުންފުނީގެ އެގްރިސެންޓަރުން ކަސްޓަމަރަކަށް ތިން ކިލޯ ލިބެން ހުންނާނެ އެވެ.

އެސްޓީއޯއިން ރާއްޖެ އަށް ލުނބޯ ގެނެސް ހެޔޮއަގުގައި ލުނބޯ ވިއްކަން މި ފެށީ، ބާޒާރުގައި ލުނބޯގެ އަގު އިންތިހާ އަށް އުފުލިފައިވަނިކޮށެވެ. މިގޮތުން ބާޒާރުގައި މިއަދު ވެސް ލުނބޯ ކިލޯއެއްްގެ އަގު ހުރީ 120ރ-150ރ. އާ ދެމެދުގަ އެވެ. އެސްޓީއޯއިން ހެޔޮ އަގުގައި ލުނބޯ ވިއްކަން ފެށުން ވެގެން ދާނީ މިދަނޑިވަޅުގައި ގިނަ ބަޔަކަށް ލިބޭނޭ ވަރަށް ބޮޑު ހިތްހަމަ ޖެހުމަކަށެވެ.