އުރީދޫ މޯލްޑިވްސް އިން ކުރިއަށް ގެންދާ ކޮންމެ 3 ދުވަހަކުން ސައިކަލެއް ލިބޭ ޕްރޮމޯޝަން ޕްރޮމޯޝަންގައި 25 ނަސީބުވެރިން ހޮވިފައިވާކަން އެ ކުންފުނިން އިއުލާނުކޮށްފިއެވެ.

އިތުރު 5 ސައިކަލެއްގެ ނަސީބުވެރިފަރާތް ހޮވަން އޮތްއިރު، ކަސްޓަމަރުންނަށް އަދިވެސް މި ޕްރޮމޯޝަންގައި ބައވެރިވެ އިނާމު ހޯދުމުގެ ފުރުސަތު އެބަ އޮތެވެ.

ބާކީ ހުރި ސައިކަލު ތަކުގެ ތެރޭގައި އެއަރބްލޭޑް 160، އެއަރބްލޭޑް 125 ގެ އިތުރން ޑިސެމްބަރު މަހުގެ އެންމެ އަގުހުރި އިނާމު - ޕީސީއެކްސް 160 ގެ އިތުރުން މުޅި ޕްރޮމޯޝަން ގެ އެންމެ އަގު ހުރި އިނާމުގެ ގޮތުގައި ހުށަހަޅާފައިވާ 2024 ރެބެލް 300 ސައިކަލު ހިމެނެ އެވެ.

މި ޕްރޮމޯޝަންގައި މިހާރު ކާމިޔާބު ކުރުމަށް ބާކީ ހުރި ސައިކަލުތަކުގެ ތެރޭގައި:

· 2 އެއަރބްލޭޑް 160 – ސްޓޭންޑަރޑް އެޑިޝަން 

· 1 އެއާބްލޭޑް 125 - ސްޓޭންޑާޑް އެޑިޝަން 

· ޑިސެމްބަރު މަހުގެ އެންމެ އަގުހުރި އިނާމު - ޕީސީއެކްސް 160

· އެންމެ އަގު ހުރި އިނާމު - ރެބެލް 300 (2024)

23 ސެޕްޓެމްބަރު 2024 ގައި އުރީދޫ މޯލްޑިވްސް އިން ތައާރަފްކޮށް ކުރިއަށް ގެންދާ މި ޕްރޮމޯޝަންގައި ކޮންމެ 3 ދުވަހަކުން އެއް ސައިކަލު ދެމުން އަންނައިރު، ކެމްޕެއިން ނިމޭއިރު ޖުމްލަ 30 ސައިކަލު ނަސީބުވެރި ފަރާތްތަކަށް ދެވޭނެއެވެ. މި ޕްރޮމޯޝަން 31 ޑިސެމްބަރު 2024 އާ ހަމައަށް ކުރިއަށްދާއިރު، ބާކީ ހުރި 5 ސައިކަލު ހޯދުމުގެ ފުރުސަތު އަދިވެސް ކަސްޓަމަރުންނަށް ވަނީ ހުޅުވާލެވިފައެވެ. 

ރާއްޖޭގެ އެކި ކަންކޮޅުތަކުގައި ދިރިއުޅޭ އުރީދޫ މޯލްޑިވްސްގެ ހުރިހާ ކަސްޓަމަރުންގެ އިތުރުން އަލަށް އުރީދޫ އާއި ގުޅޭ ކަސްޓަމަރުންނަށްވެސް މި ޕްރޮމޯޝަނުގައި ބައިވެރިވެވޭނެއެވެ. ޕްރޮމޯޝަނުގައި ބައިވެރިވުމަށް:

- އުރީދޫ ކަސްޓާމަރެއްނަމަ ފާއިތުވި 30 ދުވަހުގެ ތެރޭގައި 250ރ އަށް ވުރެ މަތިން ބިލް ދައްކާ، ރީޗާޖު ކޮށް ނުވަތަ އެޑް އޮން އެއް ބައްލަވައިގަނެފައިވުން

- އުރީދޫ އާ އަލަށް ގުޅޭ ކަސްޓަމަރުން ޚިދުމަތް ބޭނުންކުރުމަށް 400 ރުފިޔާ އިން މަތިން ބިލް ދައްކާ، ރީޗާޖު ކޮށް ނުވަތަ އެޑް އޮން އެއް ބޭނުންކުރުން

- އުރީދޫގެ އެކްޓިވް ކަސްޓަމަރަކަށްވުން.

މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގައި އެންމެ ވަރުގަދަ އަދި އެންމެ ބޮޑު 5ޖީ ނެޓްވޯކް ތައާރަފްކުރުމުގެ މުނާސަބަތުގައި ކުރިއަށް ގެންދާ ޕްރޮމޯޝަނެކެވެ. މީގެ އިތުރުން މި ޕްރޮމޯޝަން އަކީ އުރީދޫ ކަސްޓަމަރުންގެ އިތުބާރާއި އެއްބާރުލުން ފާހަގަކޮށް ކަސްޓަމަރުންގެ ވަޒަން ކުރުމުގެ ގޮތުން ކުރިއަށް ގެންދާ ޕްރޮމޯޝަންއެއްވެސްމެއެވެ.

މި ޕްރޮމޯޝަންގެ އެންމެ އަގު ހުރި އިނާމް 2024 ރެބެލް 300 ހިމެނޭ ގޮތަށް ކާމިޔާބު ކުރަން ބާކީ 5 ސައިކަލު އޮތް އިރު، ނަސީބުވެރި ފަރާތްތަކުގެ މައުލޫމާތު އުރީދޫ މޯލްޑިވްސްގެ ރަސްމީ ސޯޝަލް މީޑިއާ ޗެނަލްތަކުން އިއުލާނު ކުރަމުންދާނެއެވެ.