ބޭނުންވާނެ ތަކެތި:

• 1/2 ކިލޯ ބަށި(ފެނުކައްކާފައި)
• 2 ގަނޑު ވަޅޯމަސް(ކޮށާފައި)
• 1 ބޮޑު ފިޔާ (ކޮށާފައި)
• 1 ގިތެޔޮމިރުސް(ކޮށާފައި)
• 1 ލިނބޯ ހުތް
• 1/2 ޖޯޑު ހުނި
• 5 ހިކަނދިފަތް (ކޮށާފައި)
• 1 ސައިސަމުސާ މުގުރި އަސޭމިރުސް
• ލޮނު

 

ތައްޔާރުކުރާނެ ގޮތް:

ބޯތަށްޓަކަށް ކޮށާފައިހުރި ފިޔާ، މިރުސް، އަސޭމިރުސް އަދި ލޮނު އަޅާފައި ލިނބޯހުތް އަޅައިގެން ފިޔާކޮޅުން ދިޔަ ނިކުންނަ ވަރަށް މޮޑޭށެވެ. ހުންޏާއި، ހިކަނދިފަތާއި ވަޅޯމަސް ބޯތަށްޓަށް އަޅައިގެން އަނެއްކާވެސް މޮޑޭށެވެ. ދެން ފެނުކެއްކި ބަށި އަޅާފައި ރަނގަޅަށް އެއްކޮށްލާށެވެ. އައަށް ފަހު ލޮނު ހެެޔޮވަރު ކޮށްލާށެވެ.

 

*ބަށި މަސްހުނި އެންމެ މީރުވާނީ ރޮށްޓާއެކު އެވެ. ކާށިހުނި ކެއުން ރަނގަޅު ނޫން ބޭފުޅުންނަށް ހުނި ނުލައިވެސް މި މަސްހުނި ހެދިދާނެއެވެ.