މިއަހަރުގެ އަމީރުލްހައްޖުގެ ގޮތުގައި ވަޑައިގަންނަވާނީ ނައިބު ރައީސް ފައިިސަލް ނަސީމް ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހަމަޖައްސަވައިފިއެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ 1444 ވަނަ އަހަރު ޙައްޖުގެ މަތިވެރި އަޅުކަން އަދާކުރުމަށް ރާއްޖެއިން ފުރާ ޙައްޖާޖީންގެ ކަންތައްތައް އިސްކޮށް ބެލެހެއްޓެވުމަށްޓަކައި، އަމީރުލްޙައްޖުގެ ގޮތުގައި ވަޑައިގަންނަވާ ބޭފުޅަކީ، ރައީސުލްޖުމްހޫރިއްޔާގެ ނައިބު ފައިޞަލް ނަސީމް ކަމުގައި ހަމަޖައއްސަވާފައިވާ ކަމަށެވެ.
ދިވެހި ޙައްޖާޖީންގެ އެންމެހާ ކަންކަމަށް ޚާއްޞަ ސަމާލުކަމެއް ދީގެން ހުރިހާ އިންތިޒާމުތަކެއް ވީހާވެސް ފުރިހަމަޔަށް ގެންދިޔުމަށް ބާރު އެޅުމަށްޓަކައި ސަރުކާރުން ކޮންމެ އަހަރަކުވެސް ދަނީ ގިނަ މަސައްކަތްތަކެއް ކުރަމުންނެވެ.
މިއަހަރު ރާއްޖެއިން ހައްޖަށްދާ ފުރަތަމަ ގުރޫޕް މާދަމާ ފުރުމަށް ހަމަޖެހިފައިވާއިރު މިމަހުގެ 19 ވަނަ ދުވަހުގެ ނިޔަލަށް ދިވެހި ހައްޖާޖީން ރާއްޖެއިން ފުރަމުން ގެންދާނެއެވެ.
ރާއްޖެއިން މިއަހަރު ހައްޖަށް ގެންދިއުމަށް ލިބިފައިވަނީ 1000 ކޯޓާއެވެ. މިއަހަރު ރާއްޖެ 1،000 މީހުން ހައްޖަށް ދާއިރު އޭގެ ތެރެއިން 600 ކޯޓާ ދީފައި ވަނީ ހައްޖު ކޯޕަރޭޝަނަށެވެ.
ބާކީ ތިބި މީހުން ހައްޖަށް ދަނީ ސިސިލްފަރު ހައްޖު އެންޑް އުމްރާ ގްރޫޕާއި އަލްމަނާސިކްގެ އިތުރުން އަލްހަރަމައިން ހައްޖު އެންޑް އުމްރާ ގެ ހަވާލުގައެވެ.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން