ޓެކްނޮލޮޖީ ތަރައްގީވެ ކުރިއަރަމުން މިދާ ދުވަސް ވަރެއްގައި އަނެއްކާވެސް ތަފާތު އައު ރޮބެޓެއް އުފައްދައިފިއެވެ. މިއީ އޭގެ ސިފަ، ވިރިގެން ދިޔައިކޮށްލާ އަދި އެއަށްފަހު ކުރިން ހުރި ސިފައަށް ބަދަލުވެވޭނެ ގާބިލުކަން ހުރި ރޮބެޓެކެވެ. މިއީ އޭގެ ސައިޒު ކުޑަ ރޮބެޓެކެވެ.

ޗައިނާގެ ޗައިނީޒް ޔުނިވަސިޓީ އޮފް ހޮންގކޮންގ ގެ ދިރާސާވެރިން ތައްޔާރު ކުރި މި ރޮބެޓަކީ މާދަމާގެ ޖީލުތަކަށް ނުހަނު ބޭނުންތެރި ރޮބެޓެކެވެ. ކޮމްޕިއުޓަރުން ކޮންޓްރޯލު ކުރެވޭ މި ކުޑަކުޑަ ރޮބެޓު ތައްޔާރު ކޮށްފައި ވަނީ ގެލިއަމް ނަމަކަށް ކިޔާ ދަގަނޑެއްގެ މާއްދާއަކުންނެވެ. ބެލެވޭ ގޮތުގައި މި ރޮބެޓު ބޭނުން ކުރެވޭނީ ކުދިކުދި އެލެކްޓްރޯނިކް ސާމާނުތަކުގެ މަރާމާތު ކުރުމަށާއި އިންސާނާގެ ހަށިގަނޑުގެ ކުދިކުދި ގުނަންތަކުގެ ސާޖަރީތައް ހެދުމަށެވެ.

މި ރޮބެޓުގެ ތަހުލީލީ މަރުހަލާތައް މިހާރު ކުރިއަށް ދާއިރު، މި ރޮބެޓުގެ ބައެއް ވީޑިއޯތައް ވަނީ މީސްމީޑިޔާއަށް އާންމުވެފައެވެ. އެގޮތުން ޖަލުގެ ތޭރިތަކެއް ގޮތަށް ހުރި ތަނަކުން ދިޔައިވެގެން އެ ތޭރިތަކުގެ އަނެއްފަރާތަށް އެ ރޮބެޓުދާތަން ފެނެއެވެ. ދެން ފެންނަނީ އިންސާނާގެ ހަށިގަނޑުގެ ގުނަވަނެއް ކަމުގައިވާ މައިދާއެއްގެ ގޮތަށް ހަދާފައިވާ "މޮޑެލް" އެއްގެ ތެރެއިން އެތިކޮޅެއް ބޭރުކުރުމަށަ އެ ރޮބެޓު މައިދާގެ ތެރެއަށް ދިޔައިވެގެން ވަދެ، އެ އެތިކޮޅު ެއެ ރޮބެޓުގެ ގައި ތެރެއަށް ލައިގެން އެނބުރި އެ ދިޔައިކަމުގައި މައިދާއިން ނުކުންނަ މަންޒަރެވެ. 

މި އަޖައިބުޖުރަނިވި އުފެއްދުމާއި އެކު ގިނަ ބަޔަކު ބުނަނީ މިއީ ކާމިޔާބު ވެއްޖެނަމަ، ސިއްހީދާއިރާގައި ނުހަނު ގިނަ ބޭނުންތަކެއް ކުރެވިދާނެ ރޮބެޓެއް ކަމަށެވެ.