ޑޫ އިޓް ޔުއާރސެލްފް (ޑީއައިވައި) ފެޝަން ހެކްސް މިދުވަސްވަރު ޓްރެންޑްގައި އޮތްއިރު، މިއީ ދެމެހެއްޓެނިވި ދިރިއުޅުމަކަށް އެޅޭ މޮޅު ފިޔަވަޅެކެވެ. ތިމާވެށްޓަށް ކުރާ އަސަރު ކުޑަކުރުމުގެ އިތުރުން ޑީއައިވައި ސަސްޓެއިނަބަލް ފެޝަނަކީ ވެސް ތިމާގެ އުފެއްދުންތެރިކަން ފާޅުކުރުމަށް ރަނގަޅު ގޮތެކެވެ.

މިފަދައިން ކުރިއަށް ދާ އެއް ކޮންޓެންޓް ކްރިއޭޓަރަކީ ގިނަ ފަހަރަށް އޭނާގެ ފާހަގަކޮށްލެވޭ އަދި އާ ޑީއައިވައި ކްރިއޭޝަންތަކުގެ ސަބަބުން ވައިރަލްވެފަވާ ޝްވެތާ މަހާޑިކް އެވެ. ދާދި ފަހުން މިސް މަހާޑިކް ވަނީ ޕާލް-ޖީ ބިސްކޯދު ހުސްކުރި އުރަ ބޭނުންޮށްގެން ރީތި ސްލިންގް ދަބަހެއް އުފައްދާފައެވެ.

މުޅި ޕްރޮސެސްގެ ވީޑިއޯއެއް އިންސްޓަގްރާމްގައި ހިއްސާކޮށް، ލަގްޒަރީ ބްރޭންޑް ބެލެންސިއާގާގެ "ލޭޒް" ދަބަހުން މިހިޔާލް ނަގާފައިވާކަން ފާހަގަކޮށްފައިވެ އެވެ. ވީޑިއޯއިން ފެންނަނީ ޕާލް-ޖީގެ ހުސް ޕެކެޓެއް ކެފުމަށްފަހު ޓްރާންސްޕޭރެންޓް ދެ ޕްލާސްޓިކް ޝީޓެއްގެ މެދުގައި ރެޕަރ ބަހައްޓައި، ފަހާ ފޮށިން ފަހާމަންޒަރެވެ. އިތުރަށް ދަބަހުގެ ބޯޑަރުގައި ރަތްކުލައިގެ ފޮތި އަދި ވާގަނޑެއް ހަރުކުރެއެވެ. ދަބަސް ތައްޔާރުވުމަށްފަހު އެ ދަބަސް އާއި އެކު ޕޯޒްކޮށް، އޭނާގެ އުފެއްދުންތެރިކަން ދައްކާލަ އެވެ.

އެ ވީޑިއޯ ވައިރަލްވެ 83،000 އަށް ވުރެ ގިނަ ލައިކްސް އާއި 2.2 މިލިއަނަށް ވުރެ ގިނަ ލައިކްސް ލިބިފައިވާއިރު، އޭނާގެ އުފެއްދުމަށް މީހުން ތިބީ ހައެރާންވެފައެވެ. އިންޑިއާ އަކީ ތިމާވެށީ އަދި ކުނިގިނަވުމުގެ މައްސަލަތަކާއި ކުރިމަތިލަމުން އަންނަ ޤައުމަކަށް ވެފައި މިފަދަ އުފެއްދުންތައް ގިނަބަޔަކު އުފައްދަން ފަށައިފިނަމަ ކުނިމަދުކުރުމާ ތިމާވެއްޓަސް ކުނީގެ ސަބަބުން ކުރާ އަސަރު ކޮންމެސް ޕަރސަންޓެއް މަދުކުރެވޭނެއެވެ.