ޖަޕާނުގެ ކުޖޫކުޝިމާސިޓީ ޒުލުގެ މުވައްޒަފުން ވަނީ ޒޫގައި ދިރިއުޅޭ މޯމޯ ނަމަކަސް ކިޔާ ރާމާމަކުނެއް ބަލިވެ އިނުމުގެ ސިއްރު ހައްލުކޮށްފަ އެވެ. އެޒުލުގެ މުވައްޒަފުން ކަންބޮޑުވެގެން އުޅުނީ މޯމޯ މަކުނު އެކަނި ޒޫގައި ދިރިއުޅެ، ވަށައިގެންވާ އެހެން ޕްރައިމެޓްތަކާ ގުޅުމެއްނެތި ބަލިވެއިނުމުންނެވެ.
މި ހާދިސާގެ އަސްލު ދެނެގަތުމަށްޓަކައި ސައިންސްވެރިން ވަނީ ޕްރައިމޭޓްތަކުގެ އިސްތަށިގަނޑާއި ނަޖިހުގެ ސާމްޕަލްތައް ތަހުލީލުކޮށް، އެތަކެތީގެ ބަޔޮލޮޖިކަލް އަސްލު ހޯދައިފަ އެވެ. މިއާއެކު އެ މަކުނުތަކުގެ ބައްޕައަކީ އުމުރުން 34 އަހަރުގެ ގިބުން އެއް ކަމަށްވާ އިޓޯހްކަން ހާމަވެގެން ދިޔައެވެ.
މޯމޯ މަކުނު ބަލިވެ އިނދެފައިވަނީ ކިހިނެއްކަން ހޯދުނުއިރު އެނގިފައިވަނީ ޒޫގެ މައުރަޒު ކޮޓަރީގެ ފާރުގައި މޮމޯ އާއި އިޓޯ ބައްދަލުވެވޭ ގޮތަށް ވާ ލޯވަޅެއް ފެނުމުންނެވެ. މިކަން ހާމަކޮށްފައިވަނީ މީޑިއާ ވައިސް ނިއުސް މެދުވެރިކޮށެވެ. "އަޅުގަނޑުމެން ގަބޫލުކުރާ ގޮތުގައި އިޓޯހް މައުރަޒު ފާރުގައި ހުރި ލޯވަޅު ތެރެއިން ޖިންސީ ގުޅުން ހިންގުމަކީ ވަރަށް ގާތް ކަމެއް،" ޒޫ އިން ބުންޏެވެ.
އަދި މަކުނުތަކުގެ ސާމްޕަލް ނެގުމުގައި ދިމާވާ ދަތިތަކުގެ ސަބަބުން ތަހުގީގުގެ މަރުހަލާ ދެ އަހަރަށް ވުރެ ގިނަ ދުވަހު ދެމިގެން ދިޔަ ކަމަށް ވެސް ހަމަ އެ މީޑިއާއިން ތަފްސީލުކޮށްފައިވެ އެވެ. ހަގީގަތުގައި މި ހޯދުމުގެ ސަބަބުން ޒޫގެ މެނޭޖަރުން ވަނީ ކުރިއަށް އޮތްތަނުގައި ރޭވިފައި ނުވާ ބަލިވެ އިނުމުން ސަލާމަތްވުމަށްޓަކައި އެ ލޯވަޅު ނިވާކޮށްފަ އެވެ. މިހާތަނަށް އައިއިރު މޯމޯ ދިރިއުޅެމުން ދިޔައީ ވަޔަރސް ޖަހައިގެން ހަދާފައިވާ ބޮޑެތި ދަނޑިތަކެއް ޖަހާފައިވާ ކޮއްޓެއްގައެވެ.
މީގެ އިތުރުން ޒުލުގެ މަސައްކަތްތެރިން ވިސްނަމުންދަނީ އިޓޯހް އާއިލާއާއެކު އެހެން ތަނަކަށް ބަދަލުކުރުމަށެވެ. ޖަޕާނުގެ ޒޫއިން ޔަގީންކަން ދިނީ މި ބާވަތުގެ ހާދިސާއަކީ އާދަޔާ ހިލާފު ކަމެއް ކަމަށާއި އާންމުކޮށް ގިބަން ޕްރައިމެޓްތައް ޖޯޑުކޮށްލަނީ ސިލްސިލާ ޓްރައިލްތަކާއި ބައްދަލުވުންތަކަށްފަހު މަކުނުތައް އެކަކު އަނެކަކަށް އަހުލުވެރިވެވުނީމާ ކަމަށެވެ. ވަލުތެރޭގައި ގިބޮންސް އިން ބައިވެރިން ހޮވަނީ އެމީހުންގެ ޖިސްމާނީ ސިފައާއި އިޖުތިމާއީ ސުލޫކާއި ވޯކަލައިޒޭޝަން އަށް ބަލައިގެން ކަމަށް ކުރިން ދެންނެވި މީޑިއާ އިން ބުނެ އެވެ.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން