ފަރުދާވެގެން ހިނގައިދޭ، ކުޅަކަންކަމޭ މަ ސިއްރުން

   ފަރުދާ ވިޔަސް މި ދުނިޔޭން، ސިއްރެއް ޔަގީން ނުވާނޭ

 

އޮޅުވާލަމުން ހިނގައިދޭ، ކުޅަކަންކަމޭ މަ މަކަރުން

   އޮޅުވާލިޔަސް މި ދުނިޔޭން، ސިއްރެއް ޔަގީން ނުވާނޭ

 

ވަގުތީ އުފާ މި ހޯދަން، ގޯހޭ މިތާގަ ހަދަނީ

  ވަގުތުން އަޒާބު ނަޔަކަސް، މިންޖެއް ޔަގީން ނުވާނޭ

 

ހީކޮށް ތިމާގެ މޮޅުކަން، އާރާއި ބާރު ގަދަކޮށް

   ހީކޮށް ކުރީމަ ކަންކަން، މިންޖެއް ޔަގީން ނުވާނޭ

 

ބިރު ދެއްކިޔަސް މަގާމާ، އަމުދުން ނުފޫޒު ބާރާ

   ބިރުދައްކަމުން މި ހޯދާ، މޮޅުކަން ޔަގީން ފިލާނޭ

 

ކިބުރާ ބޮޑާކަމާއެކު، ބިމުގާ ހިނގާފަ ދާއިރު

  ކިބުރުން ތި ހިތް ފުރާއިރު، ދެރަވެން ފަހުން މެ ރޯނޭ

 

ރިއްސާ ރަނާ ޖަވާހިރު، ކަރުގާ އުޅާ ފުރާ އިރު

   ވިއްސާރަ ބޯ ކުރާއިރު، ގައިމޭ ފިލަން ދުވާނޭ

 

ކަނޑުގާ އަޑީގަ ވާއިރު، ނޭވައި ނުލެވި އުޅޭއިރު

    ކަނޑުގާ ތެޅިފަ އުޅޭނީ، ގައިމޭ މަރަށް ބިރުންނޭ

 

އުދުހެން ފަޒާގަ ދެ އަތޭ، ފޭކޮށް ފުޅައި ކުރީމާ

   ނުދުވާނެ ގައިމު ކުރިއަށް، ބިމަށޭ ތިބާ ޖެހޭނޭ

 

މިހިރީ ތިމާގެ ހާލަތު، ދެރައޭ އެހާމެ ހާލަތު

  މިހިރީ ތިބާ ތި ދައްކާ، ކުލައިން ނުކުތް ނަތީޖާ