ސައުދީއަރަބިއްޔާގެ އަލް-ނަސްރު އަންހެން ޓީމަށް ކުޅެމުން އަންނަ ކެތެލެން ސޯޒާ އިސްލާމްވެއްޖެއެވެ.
މިކަންވަނީ އަލް-ނަސްރުންވެސް ޔަގީންކޮށްދީފައެވެ. އެޓީމުގެ ސޯސަލްމީޑިއާގައިވަނީ ސޯޒާ އިސްލާމްކަން ގަބޫލުކުރިކަން ހާމަކޮށް އެކަމަށް މަރުހަބާ ކިޔާފައެވެ. އަދި ސޯޒާގެ ހިތުގައި އިސްލާމްދީނަށް ލޯބި ޖައްސާ އަދި ހިތްހަމަޖެހުމާ އުފާވެރިކަން މިންވަރުކުރެއްވުމަށްވެސް އެދިފައިވެއެވެ.
އިސްލާމްވުމަށްފަހު، ސޯޒާ ބުނެފައިވާ ގޮތުގައި، އޭނާ މަސައްކަތްކުރަމުން އަންނަނީ ތެދުމަގު ހޯދުމަށްކަމަށާއި ރަނގަޅު މީހަކަށްވުމަށެވެ.
ސޯޒާ އިސްލާމްކަން ގަބޫލުކޮށް އެކަން އިޢުލާން ކޮށްފައިވަނީ ކުލަބުގެ އެހެން ކުޅުންތެރިންނާއެކު ކުރިޔަށްދިޔަ އިވެންޓެއްގައެވެ.