އިނގިރޭސި ޕްރިމިއަރލީގުގައި އާސެނަލްއާ ވުލްވްސް ކުޅުނު މެޗު 2-2 އިން އެއްވަރުވެއްޖެއެވެ.
ރޭ ވުލްވްސްގެ އަމިއްލަ ދަނޑުގައި ކުޅުނު މިމެޗުގައި ފުރަތަމަ ލަނޑު ޖަހައި ކުރި ހޯދީ އާސެނަލްއިންނެވެ. މެޗުގެ ފަސްވަނަ މިނެޓުގައި ޑިކްލެން ރައިސް ނަގައިދިން ހުރަހަކުން ބޮލުން ޖަހައި ގޯލަށް ވައްދާލީ ބުކަޔޯ ސަކާއެވެ. މިއީ 15 މެޗު ލަނޑެއް ނުޖެހި ދިޔުމަށްފަހު ސަކާ ޖެހި ލަނޑެކެވެ. އޭގެ ފަހުން ވުލްވްސްގެ ކުޅުންތެރިން އަތުން ގެއްލުނު ބޯޅައެއްގެ ފައިދާ ނަގައި ޕެނަލްޓީ އޭރިޔާ ބޭރުން ރައިސް ފޮނުވާލި ބާރު ބޯޅަ ގޯލަށް އަމާޒުނުވީ ކިރިޔާއެވެ. އާސެނަލްގެ ދެވަނަ ލަނޑު މެޗުގެ ދެވަނަ ހާފުގައި ޖެހީ ޕިއެރޯ ހިންކަޕިއޭއެވެ. ވުލްވްސްއިން އުއްމީދު އައުކުރީ 61 ވަނަ މިނެޓުގައި އެޓީމުގެ ބޫނޯ ޕެނަލްޓީ އޭރިއާ ބޭރުން ފޮނުވާލި ހިތްގައިމު ޝޮޓް ގޯލުގެ މަތީ ކަނަށް އަމާޒުކޮށްލައިގެންނެވެ. މި ނަތީޖާއާއެކު މެޗު ނިމެންދަނިކޮށް މެޗުގެ އިތުރު ވަގުތުގައި މެޗުގެ ނަތީޖާ ހަމަހަމަވީ ވުލްވްސްއިން އުފެއްދި ހަމަލާއެއް ދިފާޢު ކުރަން އުޅުމުގެ ތެރޭގައި އާސެނަލްގެ ޑިފެންޑަރ ކަލަފިއޯރީ ބޮލުން ބައިކޮޅަށް ވަތް ލަނޑުންނެވެ.
ލީގު ޓޭބަލުގެ އެންމެ ފުލުގައި އޮތް ވުލްވްސް ކައިރިން މޮޅުވެގެން ސިޓީއާ ދެމެދު އޮތް ފަރަގު 7 ޕޮއިންޓަށް ބޮޑު ކުރެވެން އޮތް މިމެޗު އާސެނަލްއަށް ގެއްލުމުން މިހާރު ފަރަގު އުޅެނީ 5 ޕޮއިންޓުގެ ފަރަގެކެވެ. ސިޓީ ދެން ކުޅޭ މެޗު ކާމިޔާބު ކޮށްފިނަމަ، އެ ފަރަގު 2 ޕޮއިންޓަށް ކުޑަވެގެންދާނެއެވެ.