ބޮޑު ތަފާތަކުން ކަރަބާޚް ބަލިކޮށް ނިއުކާސަލް ޔުނައިޓެޑު ޗެމްޕިއަންސްލީގުގެ ގަދަ 16 ގެ އުއްމީދު އާކޮށްފިއެވެ.
ޗެމްޕިއަންސްލީގުގެ ނޮކައުޓް ސްޓޭޖުގައި ރޭ ނިއުކާސަލް ޔުނައިޓެޑާއި ކަރަބާޚް ބައްދަލުކުރި މެޗު 6-1 ނަތީޖާއިން ނިއުކާސަލް ޔުނައިޓެޑު މޮޅުވެ މުބާރާތުގެ ގަދަ 16 އަށް ދިޔުމަށް ކުރާ އުއްމީދު އައު ކޮށްފިއެވެ. ކަރަބާޚްގެ އަމިއްލަ ދަނޑުގައި ކުޅުނު މިމެޗު ފެށުނީންސުރެ ކޮންޓްރޯލް ކުރަމުން އައީ ނިއުކާސަލްއިންނެވެ. ފުރަތަމަ ހާފުގައި 5 ލަނޑު ޖެހިއިރު، އޭގެ ތެރެއިން 4 ލަނޑު ޖަހާފައިވަނީ ލިބުނު ދެ ޕެނަލްޓީއާއެކު އެންތޮނީ ގޯޑަންއެވެ. އަނެއްލަނޑު ޖަހައިދިނީ 8 ވަނަ މިނެޓުގައި ޓްރިޕިއަރ ފަހިކޮށްދިން ފުރުސަތެއްގައި ތިއާއޯއެވެ.
ދެވަނަ ހާފު ފެށިތާ މާގިނައިރެއްނުވެ ކަރަބާޚްއިން ލަނޑެއް ޖެހިއެވެ. އެލަނޑު ޖަހައިދިނީ ޖަފަރުގުލިއެވްއެވެ. މެޗުގެ 72 ވަނަ މިނެޓުގައި ނިއުކާސަލް ޔުނައިޓެޑުގެ ޖެކޮބް މާފީ އިތުރު ލަނޑެއްޖަހައިދިނެވެ.
މި ނަތީޖާއާއެކު ދެވަނަ ލެގުގައި ނިއުކާސަލް ޔުނައިޓެޑުގެ އަމިއްލަ ދަނޑުގައި ނުކުންނައިރު ބޮޑު ފައިދާއެއްމިވަނީ ލިބިފައެވެ. ކަރަބާޚް އިތުރަށް ކުރިޔަށް ދެވެން އޮންނާނީ 6 ލަނޑުގެ ތަފާތުން މޮޅުވެގެންނެވެ.