މެންޗެސްޓަރ ޔުނައިޓެޑުގެ ކުރީގެ މިޑްފީލްޑަރ ޖެސެ ލިންގާޑު ގެންދިޔުމަށް ބްރެޒިލްގެ ކޮރިންތިއަންޒުން ފަށައިފިއެވެ.
މިދިޔަ ޑިސެމްބަރ މަހު ސައުތު ކޮރެއާގެ އެފްސީ ސޯލްއިން ވަކިވުމަށްފަހު މިވަގުތު ފްރީ އެޖެންޓެއްގެ ގޮތުގައި ހުރި ލިންގާޑު ގެންދިޔުމަށް ކޮރިންތިއަންޒުން ބޭނުންވަނީ އެއް އަހަރު ދުވަހުގެ ކޮންޓްރެކްޓެއްގެ ދަށުންކަމަށް ބީބީސް ސްޕޯޓްސްގައި ރިޕޯޓުކޮށްފައިވެއެވެ. އެނޫހުގައި ބުނެފައިވާ ގޮތުގައި އުމުރުން 33 އަހަރުގެ މިކުޅުންތެރިޔާ ހޯދުމަށް ޔޫރަޕާއި އެމެރިކާގެ ކުލަބުތަކުން މަސައްކަތްކުރަމުން އައި ނަމަވެސް، އޭނާ ދިޔުން އެންމެ ގާތީ ބްރެޒިލަށެވެ.
މެންޗެސްޓަރ ޔުނައިޓެޑުގެ ޔޫތު އެކަޑަމީއިން ފުޓްބޯޅަ ކެރިއަރ ފެށި ޖެސެ ލިންގާޑު މެންޗެސްޓަރ ޔުނައިޓެޑަށް އަށް އަހަރުދުވަހުގެ ތެރޭގައި 232 މެޗު ކުޅެދީފައިވެއެވެ. އޭގެ އިތުރުން އިންގްލެންޑުން 2018 ވަނަ އަހަރުގެ ވޯލްޑްކަޕްގެ ސެމީފައިނަލަށް ދަތުރުކުރިއިރު މުހިންމު ދައުރެއް އޭނާ އަދާކުރިއެވެ. އިންގްލެންޑް ގައުމީ ޓީމަށް މިހާތަނަށް ލިންގާޑްވަނީ 32 މެޗު ކުޅެދީފައެވެ.
ލިންގާޑުގެ ސޮއި ހޯދުމަށް މަސައްކަތްކުރަމުން އަންނަ ކޮރިންތިއަންޒް މިވަގުތު އޮތީ ބްރެޒިލް ލީގުގެ ހަތަރުވަނާގައެވެ. އެޓީމުވަނީ މީގެ ކުރިން 7 ފަހަރެއްގެ މަތިން ބްރެޒިލިއަން ލީގު ހޯދާފައެވެ.