އިނގިރޭސި ޕްރިމިއަރލީގުގައި ކްރިސްޓަލް ޕެލަސްއާ މެންޗެސްޓަރ ޔުނައިޑު ބައްދަލުކުރި މެޗު މެންޗެސްޓަރ ޔުނައިޓެޑު ކާމިޔާބުކޮށްފިއެވެ.
މެންޗެސްޓަރ ޔުނައިޓެޑު މެޗު ކާމިޔާބުކުރީ ޕެލަސް ލަނޑެއް ޖަހާފައި އޮއްވާ ފަހަތުން އަރައި 2-1 ގެ ނަތީޖާއިންނެވެ. މެޗު ފެށިގެން ފުރަތަމަ ފަސް މިނެޓު ތެރޭގައި ޕެލަސްއިންވަނީ ލީޑު ނަގާފައެވެ. އެ ލަނޑު އެޓީމަށް ޖަހައިދިނީ ޑިފެންޑަރ ލެކްރޮއިކްސްއެވެ. ދެވަނަ ހާފު ފަށައިގެން މާ ގިނައިރުތަކެއް ނުވަނީސް ޕެލަސްއަށް ލީޑު ނަގައިދިން ލެކްރޮއިކްސް އެޓީމުގެ ޕެނަލްޓީ އޭރިއާ ތެރެއިން ޔުނައިޓެޑުގެ ކުޅުންތެރިއަކަށް ކުރި ފައުލަށް ރަތްކާޑު ދައްކާ ދަނޑުން ފޮނުވާލިއެވެ. އަދި ލިބުނު ޕެނަލްޓީ ޔުނައިޓެޑުގެ ކެޕްޓަން ބުރޫނޯ ފެނާންޑޭޒް ގޯލުގެ ތެރެއަށް ފޮނުވާލައިގެން ނަތީޖާ ހަމަހަމަކުރިއެވެ. މެޗުން މޮޅުވި ލަނޑު ޖަހައިދިނީ ބުރޫނޯ ނަގައިދިން ހުރަހަކުން ބެންޖަމިން ސެސްކޯއެވެ.
ޔުނައިޓެޑު މޮޅުވުމުން އެޓީމުވަނީ ތާވަލުގެ ތިންވަނައަށް ޖެހިލާފައެވެ. ތިންވަނަ ލިބެނީ އެސްޓަންވިލާއާ ލިބުނު ޕޮއިންޓް އެއްވަރުވެ، ފައިދާ ގޯލުގެ ތަފާތުންނެވެ.