ބްރައިޓަން އަށް ކުޅެމުން އަންނަ އިނގިރޭސި ގައުމީ ޓީމުގެ ފޯވާޑު ޑެނީ ވެލްބެކް އެޓީމުގައި އަދި އިތުރު އެއްއަހަރު މަޑުކުރަން ނިންމައިފިއެވެ.
ބްރައިޓަންއާއެކު 2024 ވަނަ އަހަރު ހެދި ދެއަހަރު ދުވަހުގެ ކޮންޓްރެކްޓް ހަމަވާނީ މިސީޒަނުގެ ނިޔަލަށެވެ. ނަމަވެސް، އެކުލަބުން މިހާރު ނިންމާފައިވަނީ 2027 ވަނަ އަހަރުގެ ނިޔަލަށް ވެލްބެކްގެ ކޮންޓްރެކްޓް އިތުރުކުރާށެވެ.
މެންޗެސްޓަރ ޔުނައިޓެޑުގެ ޔޫތު އެކަޑަމީން ކެރިއަރު ފަށައި، ފަހުން ސީނިއަރ ޓީމުގައިވެސް މޮޅު ކުޅުމެއް ދެއްކުމަށްފަހު ފަހު އާސެނަލްއަށް ބަދަލުވި ވެލްބެކް ބްރައިޓަންއާ އެކުވެސް ރަނގަޅު ކުޅުމެއް އަންނަނީ ދައްކަމުންނެވެ. އުމުރުން 35 އަހަރުގެ ވެލްބެކަކީ މި ސީޒަނުގައި ބްރައިޓަންއަށް އެންމެ ގިނަ ލަނޑު ޖެހި ކުޅުންތެރިޔާއެވެ. އޭނާވަނީ 30 މެޗުން 11 ލަނޑު މިހާތަނަށް ޖަހައިދީފައެވެ.
ބްރައިޓަންއަށް ވެލްބެކް ސޮއިކުރީ އޮކްޓޯބަރ 2020 ގައެވެ.