ވެސްޓްހަމްއަށް ކުޅޭ އަޑާމާ ޓްރޯރޭއަށް އެޓީމުގެ ޖިމް ބޭނުން ކުރިޔަސް، ބަރުއުފުލުން މަނާކޮށްފިއެވެ.
އަޑާމާއަށް މިކަން މަނާކޮށްފައިވަނީ ވެސްޓްހަމްގެ ކޯޗު ނޫނޯ އެސްޕިރީޓޯ ސަންޓޯއެވެ. ނޫނޯ ބުނެފައިވާ ގޮތުގައި މިހާރުވެސް އަޑާމާގެ ހަށިގަނޑަކީ އާދަޔާ ޚިލާފު ހަށިގަނޑެއްކަމަށް ގަބޫލުކުރާކަމަށާއި އެހެންނަމަވެސް އިތުރަށް ހަށިގަނޑުގައި މަސްލުން ގަބޫލު ނުކުރެވޭނެކަމަށެވެ.
"އޭނާގެ ހަށިގަނޑަކީ ވަރުގަދަ ހަށިގަނޑެއް. ޖިމަށް ދިޔުމަކީ އޭނާގެ ކަށީގައި ހަރުލާފައި ހުރިކަމެއް. އެހެންނަމަވެސް ޖިމްއާ ދުރުވެލަން އޭނާ އެބަޖެހޭ" ކަމަށް ނޫނޯ ބުނެފައިވެއެވެ.
މީގެ ކުރިން އަޑާމާ ބުނެފައިވަނީ އޭނާ ޖިމަށް ނުދާކަމަށެވެ. ނަމަވެސް ދާދިފަހުން އޭނާއާއެކު އެޓީމަށް ކުޅޭ އެހެން ކުޅުންތެރިއަކު ސޯޝަލްމީޑިއާގައި ހިއްސާކުރި ވީޑިއޯއަކުންވެސް 145 ކިލޯގެ ބެންޗް ޕްރެސިންގ ހަދާ މަންޒަރުވަނީ ފެނިފައެވެ.
ބާސެލޯނާގެ އެކަޑަމީއިން ކެރިއަރ ފެށި އަޑާމާ ވެސްޓްހަމްއަށް ބަދަލުވެފައިވަނީ މިދިޔަ ޖެނުއަރީމަހު ފުލަމުންނެވެ. ފުލަމުގައި 20 މެޗު ކުޅުނުއިރު، ވެސްޓްހަމްއަށް 2 މިލިއަން ޕައުންޑްގެ ފީއަކަށް ބަދަލުވި ފަހުން ފުރަތަމަ އެގާރައިގައި ހިމެނިގެން ކުޅުނީ އެންމެ މެޗެކެވެ. އެއީ އެފްއޭކަޕްގެ ހަތަރުވަނަ ބުރުގައި ބާޓަން އަލްބިއޮން ކައިރިން މޮޅުވި މެޗުގައި އެކަންޏެވެ. ދެން އޭނާ ބޭނުން ކޮށްފައިވަނީ ހަތަރު މެޗެއްގައި ބަދަލު ކުޅުންތެރިއެއްގެ ގޮތުގައެވެ.