ދެ ޖިންސު ހިމެނޭގޮތަށް ގާތްގަނޑަކަށް އެންމެން ކަހަލަ ގޮތަކަށް، އާންމުކޮށްލާ ހެދުމުގެ ދަށުން ކޮންމެވެސް ކަހަލަ އެއްޗެއް ލައެވެ. އެކި މީހުން ލަނީ އެކިގޮތަށް ހުންނަ އެކިނަން ކިޔާ އަންނައުނެވެ. މިގޮތަށް ލެވޭ އަންނައުނުގެ ސަބަބުން ބައެއް މީހުނަށް ޞިއްޙީ މައްސަލަތަކާ ކުރިމަތިލާންޖެހެއެވެ. އަންހެނުންގެ ހަށިގަނޑު އުފެދިފައިވާ ގޮތުން މިފަދަ މައްސަލަތަކާ އެންމެ ބޮޑަށް ކުރިމަތިލާންޖެހެނީ އަންހެނުންނަށެވެ. މިގޮތަށް އެންމެ އާންމުކޮށް ދިމާވާ މައްސަލައަކީ ނުދޮވެ ގިނަ ދުވަހު އެކައްޗެއް ލައިގެން އުޅުމާއި އެއްފަހަރު ލުމަށްފަހު ނުދޮވެ އަލުން ލުމުގެ ސަބަބުން ދިމާވާ ޞިއްޙީ މައްސަލަތަކެވެ. ނަމަވެސް މީގެ އިތުރުންވެސް ދިމާވާ އެހެން މައްސަލަތައް ހުރެއެވެ. މިއަދު މި ބަލާލަނީ އެފަދަ ބައެއް މައްސަލަތައް ޖެހެން މެދުވެރިޥާ ސަބަބު ތަކަށެވެ.

  1. ލޭސް ޖަނގިޔާ

ލޭސް ޖަނގިޔާއަކީ ބަލާލަން ކިތަންމެ ރީތި ނަމަވެސް އާންމުކޮށް ލާން ކަމުދާ އެއްޗެއް ނޫނެވެ. ލޭސް އަކީ އެހުރަސްކޮށް ވައި ދަތުރުކުރަން އުނދަގޫ އެއްޗަކަށް ވުމުން ފަސޭހައިން ދާހިތްލާގޮތްވާނެއެވެ. ގިނަ ވަގުތު ދާ ހިއްލާފައި ހުންނަ ތަންތަނަކީ ބެކްރޓީރިޔާގެ ހާލިތަކަކަށްވެއެވެ. ޚާއްސަކޮށް ނާޒުކުގުނަވަން ތަކުގެ ވަށައިގެންވާ ހިސާބުތަކުގައި ދާހިތްލާފައި ހުންނަނަމަ ހަންގަނޑު ހަލާކުވެ ތަފާތު އެކި އިންފެކްޝަންތައް ޖެހުމަށް މަގުފަހިވެއެވެ. ކޮޓަން ޖަންގިޔާކަމުނުދާ ނަމަވެސް އެންމެ ކުޑަމިނުން އިޚްތިޔާރުކުރާ ލޭސްޖަނގިޔަލުގެ ކައްގަނޑު ކޮޓަން ފޮތިން ވޭތޯ ޔަގީން ކުރާށެވެ. އަންހެނުންގެ ކުރިމަތިފަރާތުގައި ވަރަށް އާންމުކޮށް އުފެދޭ އީސްޓް އިންފެކްޝަން ހުއްޓުވުމަށް ބޮޑު ބާރަކަށް މިކަން ވާނެއެވެ.

  1. ޖިމަށްދާއިރު އެތެރެއިންލާ އަންނައުނު އިޚްތިޔާރުކުރަން ނޭނގުން

ޖިމަށް ދާއިރު އެތެރެއިން ލާ އަންނައުނަކީ ހަށިގަނޑަށް ބަރާބަރަށް ފިޓްވާ އެއްޗެހީގެ ބަދަލުގައި ރީތި އެއްޗެއްސަށް ވޭތޯބެލުމަކީ ވަރަށް ގިނަ މީހުންގެ އާދައެކެވެ. ޖިމަށް ދާން އެތެރެއިން ލާ އެއްޗަކީ ގުދުރަތީ މާއްދާއަކުން އުފައްދާފައިވާ ތަކެއްޗަށްވާނަމަ ހަމުގެ މައްސަލަތައް ޖެހުން ދުރުވާނެއެވެ. ކަސްރަތުކުރުމަކީ އޭގެ ޒާތުގައި ދާހިއްލާ ކަމަށްވުމުން ލައިގެން ހުންނަ  އަންނައުނަކީ ހަމަށް އިތުރު އުނދަގޫކަމެއް ނުގެންނާނެ ތަކެއްޗަށް ވުން މުހިންމެވެ. އަދި ކަސްރަތުކޮށް ނިމުމާއިއެކު ލައިގެން ހުންނަ ހުރިހާ އެއްޗެއް ބަދަލު ކުރުމަށް ސަމާލުކަން ދޭންވާނެއެވެ.

  1. އެތެރެއިން ލާއެއްޗެހި ހިއްކުމަށް ޑްރައިޔަރ ބޭނުންކުރުން

އަންނައުނު ހިއްކަން ބޭނުންކުރާ ޑްރައިޔަރގައި އުފައްދާ ހޫނުގެ ސަބަބުން އެތެރެއިންލާ އަންނައުނު ހެދިފައިވާ ފޮއްޗަށް ގެއްލުންލިބެއެވެ. އެހެންކަމުން މިތަކެތި ހިއްކުމަށް ކުޑަކޮށް އަވިދޭ ތަނެއްގައި ބަހައްޓާށެވެ. މިއީ ކުދިކުދި ތަކެއްޗަށް ވުމުން ހިކެން މާގިނައިރެއްވެސް ނުނަގާނެއެވެ.

  1. މީރުވަސްދުވާ ސައިބޯނި

އެތެރެއިންލާ އަންނައުނު ދޮވުމަށް މީރުވަސް ދުވާ ސައިބޯންޏާއި ސޮފްޓްނަރ ބޭނުން ކުރުމުގެ ބަދަލުގައި ގުދުރަތީ މާއްދާތަކުން ތައްޔާރުކޮށްފައިވާ ސައިބޯންޏެއް އިޚްތިޔާރު ކުރާށެވެ. ދޮންނަކުނޑި ނުވަތަ ދޮންނަ ސައިބޯނީގައި މީރުވަސް ދުއްވުމަށް ބޭނުންކުރާ މާއްދާތަކުން ހަންގަނޑު ހިރުވާގޮތްވާނެއެވެ. މިގޮތަށް ނާޒުކު ގުނަވަންތައް ހިރުވާނަމަ ކަހާލެވޭ ގޮތަކުންވެސް ބޮޑު ގެއްލުމެއް ލިބިދާނެއެވެ.

  1. ރަގަޅު ބައްޓަން އިޚްތިޔާރުކުރަން ނޭނގުން

ވަކި ބައްޓަމަކަށް ހުންނަ ޖަނގިޔާއެއް ފެޝަނަކަށް ވުމަކުން ތިމާ އެ ބޭނުންކުރާކަށް ނުޖެހެއެވެ. މިފަދަ ތަކެތި އިޚްތިޔާރު ކުރަންވާނީތިމާގެ ހަށިގަނޑުގެ ބައްޓަމާވެސް ގުޅޭތޯ ބަލާފައެވެ. އެހެން ނޫންނަމަ ލާފައި ހުންނަ ހެދުމުގެ މަތިން، އެތެރެއިން ލާފައި ހުރި އެއްޗެއްގެ ރޮނގުތައް ފެނި، ހަމުގެ މައްސަލަ އާއި ކުޑަކަމުދާނިޒާމުގެ ބަލިތަކަށްވެސް މަގުފަހިވެދާނެއެވެ.

  1. ހަށިގަނޑު ވަކި ބައްޓަކަށް ގެންނަން ލެވޭ އެއްޗެހި

މިހާރަކަށް އައިސް އަންހެނުންނެކޭ އެއްގޮތަށް ފިރިހެނުންވެސް މިފަދަ އެއްޗެހިލައެވެ. ބަނޑު ނުވަތަ ބަނޑުގެ ދެއަރިމަތީގައިވާ ލޮކިމަސްތައް ފޮރުވުމަކީ ފިރިހެނުންނަށްވެސް މުހިންމު ކަމަކަށް މިހާރުވެއެވެ. ނަމަވެސް މިފަދަ އެއްޗެހި ލުމުން މަސާނާއަށް އެ ދެވެނީ ވަރަށް ބޮޑު ބުރައެކެވެ. އެހެންކަމުން އަވަސް އަވަހަށް ކުޑަކަމުދާންޖެހޭނެއެވެ. އަދި މިހެން ގިނަ ވަގުތު ހުރެގެން ނާރަކަށް ގެއްލުމެއް ލިބިއްޖެނަމަ އެއި ދިގު މުއްދަތަކަށް ދެމިގެންވާ ގެއްލުމަކަށްވެސް ވެދާނެއެވެ.

  1. އެތެރެއިން ލާއެއްޗެހި ލައިގެން ނިދުން

ދުވާލުގެ ހުރިހާ ވަގުތެއްގައި ގަޔަށްބާރު އެއްޗެހި ލައިގެން އުޅުމަށްފަހު ނިދަން އޮށޯންނަވަގުތަކީ ހަށިގަނޑަށް ހުރިހާގޮތަކުންވެސް އަރާމުލިއްބައިދޭ ވަގުތަކަށް ވެގެންނޫނީ އަރާމު ނިންޖެއް ނުލިބޭނެއެވެ. ފުރިހަމަ ސިއްޙަތަކަށް އަރާމު ނިދި ވަރަށް މުހިންމުވާނެއެވެ. ދިރާސާތަކުން ދައްކާގޮތުން އެތެރެއިންލާ އެއްޗެހި ނުލާ ނިދުމުން ހަންގަނޑަށް އޭގެ ފައިދާކުރުމުގެ އިތުރުން މިއީ ބަރުދަން ލުއިކުރުމަށްވެސް އެހީތެރިވެދޭ ކަމެކެވެ.