މި އަހަރުގެ ރޯދަމަހު ދިވެހިންގެ މެދުގައި ބޮޑު މަގުބޫލުކަމެއް ހޯދާފައިވާ #OoredooKaraaFelhun ގޭމަށް އުރީދޫ މޯލްޑިވްސް އިން 'ކަރާ ކުއެސްޓް' ތައާރަފުކޮށްފިއެވެ. މިއީ ކުޅުންތެރިންނަށް އެމީހުންގެ ޓީމަށް ޕޮއިންޓް ހޯދައި، އަގުހުރި އިނާމުތަކެއް ހޯދުމަށް ވާދަކުރުމަށް ހުޅުވާލި އިތުރު ފުރުސަތެކެވެ. އުރީދޫ އެޕް މެދުވެރިކޮށް މިހާރު މި ފީޗާ ބޭނުންކުރެވޭނެއެވެ.
'ކަރާ ކުއެސްޓް' ފަރުމާކޮށްފައިވަނީ ކުޅުންތެރިން ތިބި ސަރަހައްދުގެ މެޕަކުން ކަރާ ފެންނަ ގޮތަށް ތައްޔާރުކޮށްފައިވާ އިންޓަރެކްޓިވް ގޭމެއްގެ ގޮތުގައެވެ. ކުޅުންތެރިން އެކި ސަރަހައްދުތަކަށް ދަތުރުކޮށް، މެޕުން ފެންނަ ކަރާތައް ފެޅުމުން އެ ސަރަހައްދެއްގައި އެ ކުޅުންތެރިއެއްގެ ޓީމުގެ ދިދަ ޖެހޭނެއެވެ. މިއީ އެ ސަރަހައްދެއް އެ ޓީމަކުން ކާމިޔާބުކުރިކަން އަންގައިދޭ ނިޝާނެކެވެ. މިގޮތަށް ގިނަ ސަރަހައްދުތަކެއް ހޯދައިގެން ޓީމުގެ ޕޮއިންޓް އިތުރުކުރުމުގެ ފުރުސަތު ލިބިގެންދެއެވެ.
މި އާ ފީޗާގެ ސަބަބުން ގޭމަށް އިތުރު ފޯރިއަކާއި ސްޓްރެޓެޖީއެއް ލިބިގެންދާއިރު، މިއީ ރަމަޟާން މަހުގެ ރޫހުގައި އާއިލާ އާއި ރައްޓެހިންނާ އެކު ކުޅެލަން ވަރަށް މަޖާ ޑިޖިޓަލް ތަޖުރިބާއެކެވެ. ޑިޖިޓަލް މޯލްޑިވްސްއެއް ބިނާކުރުމުގެ އަމާޒުގައި އުރީދޫން ދަނީ މުޖުތަމައު ގުޅުވައިދޭ މިފަދަ އީޖާދީ ގިނަ ހަރަކާތްތަކެއް ރޯދަމަހާ ގުޅުވައިގެން ހިންގަމުންނެވެ.