އައްޑޫ ސިޓީގައި މިއަދު ޓެކްސީއެއް ފުރޮޅާލައި ހިނގި ނުރައްކާތެރި އެކްސިޑެންޓެއްގައި ހަތަރު މީހަކަށް އަނިޔާވެ، އޭގެ ތެރެއިން ދެ މީހެއްގެ ހާލު ސީރިއަސްވެއްޖެއެވެ.
މި އެކްސިޑެންޓް ހިނގާފައިވަނީ އައްޑޫ ސިޓީގައި ހިއްކާފައިވާ ސަރަހައްދެއްގައެވެ. މައުލޫމާތު ލިބިފައިވާ ގޮތުގައި، މި ހާދިސާގައި ހާލު ސީރިއަސްވި ދެ މީހުންގެ ތެރެއިން އެކަކީ ޓެކްސީ ދުއްވަން އިން ޑްރައިވަރެވެ. އެހެންނަމަވެސް، ކާރުގައި ތިބި މީހުންގެ ވަނަވަރެއް އަދި މިހާތަނަށް ސާފުވެފައެއް ނުވެއެވެ.
އެކްސިޑެންޓް ހިނގި ސަރަހައްދުން ފެންނަ މަންޒަރުތަކަށް ބަލާއިރު، ފުރޮޅާލުމުގެ ސަބަބުން އެ ކާރު ވަނީ ވަރަށް ބޮޑަށް ހަލާކުވެފައެވެ. މިކަމާ ގުޅޭ އިތުރު ތަފުސީލެއް އަދި ކަމާބެހޭ ފަރާތްތަކުން ހާމަކޮށްފައެއް ނުވެއެވެ.